道日本料理 (Moved) New Location

親民小店 坐位比較小繁忙時間會比較逼 讚讚職員好有禮貌✨叫左lunch menu 三色丼賣相相當吸引三文魚腩好肥美🥰帶子都有鮮味油甘魚ok☺️蟹子份量都唔少仲有隻溫泉蛋可以拌飯 超滑🥚值得再去 推介❣️

收工臨時應約！有人帶路去大窩口買外賣！唔去過都唔知呢度夜晚係咁多宵夜買架！！今次幫襯左串燒🍢壽司🍣咩都想食！叫左好多嘢😅道日本料理～呢間好細嘅小店黎！但相當唔錯！壽司價錢唔貴，而且食落口係覺得新鮮！油甘魚壽司，肉質爽滑、有油甘味！帆立貝壽司，新鮮、鮮甜呀！汁燒帆立貝壽司，呢個配搭都幾好味！芝士蟹棒壽司，蟹棒味道正常，芝士燒得幾靚！辣汁三文魚軍艦，朋友話呢個必食，所以叫左好多件😅又真係幾好味喎！總結呢間小店值得回頭！下次要試手卷！

之前行過成日忍唔住望兩眼，一直想試好耐㗎喇，早排終於忍唔住買咗返屋企食，試咗佢哋幾款壽司同埋手卷，我個人幾鍾意，因為佢啲壽司都做得夠凍，同埋個飯唔會好鬆散，魚生我都覺得係新鮮嘅。

新開的餐廳，位於旺中帶靜的和安里。踏進餐廳的一刻，已能望見一張敞闊的壽司吧枱；放眼四周，則可感受一份中環餐廳少有的闊落感。是晚二人同行，被安排坐於卡座，除了私隱度高外，用餐環境亦十分舒適刺身壽司一向屬日本料理的重點美食，「道日本料理」亦十分看重這範籌，餐單近三分一的篇幅也與刺身壽司相關。這碟自選刺身盛內含三款刺身，分別是大吞拿魚腩、中吞拿魚腩及海膽。「大吞拿魚腩」與「中吞拿魚腩」各有捧場客，前者味道甘香，入口溶化，淺嚐一件滿足感十足；後者雖然肥美感稍遜，但魚味更重食感更平衡，遇上帶筋的機會相對較少。馬糞「海膽」來自日本，面上放了數片金箔作點綴。吃時以紫菜包裹海膽，亦可考慮多加兩片食用花瓣添色添味。海膽味濃鮮甜，完全沒有令人不悦的防腐添加味道，出品高質

其實間店鋪開了約一年左右，但大窩口比較少年青人，開日本料理應該難賺錢，但好欣賞兩個年輕人，令呢區又多一個選擇，始終早排執左間腸粉店，頗傷心💔講返個三文魚丼飯，已是第二次食，有個半生熟雞蛋、蟹子、三文魚3塊，燒得好好食，仲有醬油，個外賣碗超大碗的！$58大元，抵食，因為佢有水準，希望其他人可以多些光襯，唔想佢執立，又無得食了🥲🥲🥲

道日本壽司店 🍣原來唔同分店menu 都有啲唔同，大家留意下今次唔係第一次食，但之前無影相點咗好多款：芝士炸蝦天婦羅卷🍤🍤（必食）雖然外賣非即食，但返到屋企依然香脆，仲要係雙🍤芝士🤗，🍤係新鮮唔hea，大推，每次必點蟹籽沙律🥗（必食）抵食 大大碗 好fresh吉列炸蠔🦪好食，炸粉唔算太多帆立貝壽司，三文魚壽司新鮮鹽燒三文魚壽司，汁燒三文魚壽司，燒佐口魚裙邊壽司，燒芝士三文魚壽司燒香咗魚生 更香口又保留到魚生鮮甜味厚燒玉子：正常雞泡魚干😍大愛，燒得超香口，配氣水或啤酒一流章魚小丸子🍡，都好食😋雖然位唔太方便，但真心推介，值得一試，價錢實惠，食物質素高

最近受到疫情影響，又無得出街堂食😩好多時都要買外賣返屋企食！「道」日本料理就啱哂我🔶自選壽司12件呢個係師傅推介🙌🏻分別有三文魚腩、北寄貝、帆立貝、油甘魚、八爪魚、熟蝦、三文魚子、蟹子、鰻魚、呑拿魚、油甘魚、火灸左口魚邊！件件刺身都好新鮮👍🏻啲飯又唔易鬆散，非常好👍🏻🔶生薑豚肉飯打開個蓋，啲薑汁味就飄到去我個鼻🤩灑上大量芝麻，香味濃郁🤩滿滿豚肉，用料十足👍🏻豚肉薄而不硬，入口好柔軟，又唔會有油膩感！味道同喺日本啲丼丼屋一樣！好好味😋🔶吉列南瓜薯餅炸到金黃色，咬開夠結實，又夠甘甜！雖然拎到返屋企食，但一啲都唔腍，仲好脆！正💖

天氣轉冷🥶而且疫情嚴重咗，大家記住要做好預防措施呀💦今日一早做好曬要做既工作，經過大窩口德泰大廈果邊見到呢間「道日本料理」，感覺主要係外賣🥡 好啦咁就決定買壽司🍣回家嘆一嘆😌 煲埋「男排女將」先🏐有壽司、軍艦、手卷、卷物、刺身和小食，仲有套餐同盛盒，好多選擇🤪店內有張吧枱，可以坐到2人左右Order之後等左10分鐘左右就有啦😆🔸自選壽司12件 $108係20款壽司中可選擇12 款，自由選擇既好處係呢12款都是自己喜歡的壽司🍣每款都好鮮又肥美，壽司的飯不硬。新帆立貝大大粒又鮮甜😚油甘魚既魚油又香特別係有左口魚，我最愛💛左口魚一放落口就溶係口🤤喜歡呢個質感🔸芝麻雞翼$28一客係有2件提供左沙律醬可以點嚟食，外面炸到好脆口，估唔到入面既肉質咁嫩滑🤤🔸雜錦魚生飯 $70打開外賣盒嘅蓋忍唔住叫左一聲🙊你睇下...中間有隻流心蛋🥚，重要啲蟹籽鋪晒喺面頭🤤有三文魚、劍魚腩、左口魚... 魚生切角既份量多多呀🤤食每啖飯都食到係d魚生👍🏽仲有玉子蛋和青瓜

之前去了荃灣工作的關係 周圍找一些小店嘗試很久沒吃壽司了 上網發現了這間小店 價值合理 可以一試因為疫情關係 還是外賣比較安全所以去了這家賣了外賣壽司除了壽司 這間日式料理店也有 定食 午餐 晚餐店舖不大 只有2-3座位食物都是即場製作最後點了 自選壽司12件包括有三文魚 海膽 帆立貝 甜蝦等等整體質素唔錯 都幾新鮮仲有一個炸物 蓮藕同紫薯炸物外賣雖然無現場食咁好食但尚算鬆脆 唔太油膩下次可以試埋佢D定會 應該都OK

今日又口痕想食壽司, 於是諗住去試下位於大窩口O既道日本料理。本身睇咗OPENRICE D 食評, 見好似唔係好可以堂食, 以為好少位啦, 原來係得門口2 個位。所以基本上呢間食店都只係做到外賣, 堂食不能。我就點咗12 件壽司, 老公點咗個晚餐 - 和風牛肉飯, 套餐連小食同飲品。落咗單, 等大約15 分鍾就有啦! 唔算等好耐! 和風牛肉飯 - 老實講, 呢個一般, 因為D 牛肉係有D 乾同硬, 而且個汁較淡, 比較失望。但套餐包O既中華沙律份量頗大, 不錯! 壽司 - 整體嚟講係正O既, 食到材料係好新鮮。特別想講下個蟹膏壽司, 好濃味! 芝士蟹籽壽司味道平均其他壽司都好正! 高質呀! 估唔到O係大窩口呢個地方竟然可以食到高質壽司, 如果個牛肉飯可以整得再好食D 就更好了! 

大窩口尼頭其實冇咩日本野食，我個frd lunch break 想食日本野，見OpenRice 尼間新開張冇耐，一於就賣個外賣set lunch 試下。我地2個人食左2個午市套餐，每個套餐包一份主食，一份小食同埋飲品。我地套餐既主食分別係生薑豚肉飯($66) 同埋汁燒三文魚飯($74), 而小食就2個都嗌左日式南瓜炸薯餅，飲品就係菊花茶。😳生薑豚肉飯份量好多，基本上啖啖都有肉送飯，吾會食食下得返啲飯。啲豚肉厚度岩岩好，吾會太簿，而且每塊豚肉既肥瘦比例都好平均，食落有油脂香又吾會覺得膩。整體啲豚肉做得好高質。而啲飯同其他日式餐廳一樣都係用珍珠米，黏度適中，飯入面有好多汁，啖啖都好惹味。而汁燒三文魚飯同樣都好高質，外賣既擺盤都幾靚吾會散哂，味道方面，每塊三文魚都有好香既燒汁味，食落一啲都吾腥。個飯有蟹籽同埋溫泉蛋，蟹籽份量又係好多，每啖飯一定有吾少蟹籽，撈埋蛋汁一齊食，有咬口之餘又吾會覺得乾。其實我同我朋友剩係食完個主食已經好飽，不過個小食好有驚喜，炸皮厚度岩岩好，亦都夠乾身，食得出佢有隔過油。入面啲南瓜蓉好多，食落好飽滿。Overall 尼講尼間小店既質素係好過我預期，整體滿意，會再食😋

「道日本料理」位於大廈街（大窩口邨對面），由大窩口港鐵站行過嚟，大概5－8分鐘 餐廳面積細小，環境乾淨企理，廚房以開放式設計，廚師料理食物情況，全部一目了然，廚房面積較大，堂食位置較少，約只3－4個坐位，餐廳由2個年青廚師主理，食物係即點即做 食品主要有刺身、壽司、卷物、丼飯、小食等，另有8款午市套餐（包飲品、小食一客）可選 蟹籽沙律～雖然是點套餐送嘅，但一點都唔吝嗇，份量都幾多，青瓜絲加上大量蟹籽、沙律醬、蟹柳，一齊食，口感爽甜、清新，真是非常好的前菜 汁燒三文魚飯～有三文魚、蛋、蟹籽、葱花，燒香後的三文魚，魚油相當豐腴，配上微甜的醬汁，微微辛辣香的葱白，珍珠米的軟糯，流心蛋的清香，一齊入口，口感相當豐富美味，跟刺身比較，汁燒又是另一種風味

位於荃灣大窩口大廈街23號德泰大廈地下G7號舖的道日本料理，主打日本壽司。餐廳提供午市套餐，包一客主食、小食和飲品。料理都是即點即製，主要提供外賣壽司及刺身。壽司師傅擺放壽司時擺得頗有耐性，賣相精緻，而且外賣盒實淨，所以外賣回到家時仍然是相當整齊和吸引。廚師精選壽司十貫 - $90 筆者平時也可喜歡點算時令壽司，讓廚師發辦，選取最為時令和新鮮的食材。每件壽司都是手握的，質感不會太硬，而且魚生的厚度適中，不會過薄。整體魚生的質感彈牙爽口，可見刺身用料新鮮。個人最愛吃三文魚子軍艦，魚子粒粒飽滿，入口卜卜脆。三色魚生飯 - $80朋友頗愛吃蟹子，蟹子的份量也足夠。這款魚生飯特別加了一隻日本溫泉蛋，雞蛋味濃厚，味道完全不腥，令魚生飯的味道更加豐富。

位於大窩口既一家外賣壽司小店, 唔好睇佢門口都唔大, 但係入面既壽司刺身質素係超高的, 完勝連鎖外賣壽司店, 而且價錢又唔算貴我點左既係壽司A SET, 包括左有三文魚, 鰻魚, 北寄貝, 玉子, 魷魚, 蟹棒, 熟蝦, 加州卷仲加配左個軟殼蟹卷同鵝肝壽司首先講左個SET, 份量都唔少加, 而且有個D野都係我鐘意食既入面最正既一定係呢個鰻魚, 好香既鰻魚汁味, 而且鰻魚既口感同味道都係不錯的!! 值得ENCORE軟殼蟹卷超多沙律醬! 係勁MATCH既味道同口感, 份量都幾大下, 性價比幾高鵝肝壽司必食推薦!! 熱辣辣食個味道同感更佳!! 超香既油香味, 不錯

原來大窩口都有咁好食的日本料理店在whatsapp 落單完全講個信字，店鋪店面不大，所以自取比較方便。下了 生薑豚肉飯,壽司盛A,壽司盛B,芝士年糕，吉列南瓜薯餅。全部都超好食。特別是炸物，皮是非一般的薄，沒有很厚的面衣，很值得一讚而且價錢也不貴相信我會經常去幫襯