豊勝手丼 (Moved) New Location

今日同女朋友食飯，去左一間佢好鐘意既日本餐廳，主打日式刺身飯，佢去左好耐歐遊，好掛住日本菜，今日一於同佢食餐好既。我叫左一個刺身飯，以呑拿魚為主，分別有大中拖羅，蔥呑拿魚蓉和赤身。飯粒是醋香濃郁的壽司飯，非常酸香開胃。單單是普通的赤身都已經非常肥美，完全唔覺乾身，魚味尚是突出，蔥呑拿魚魚味較前者濃郁，入口加上香蔥，竟是香口香濃，入口不失魚肉鮮味。大中拖羅是最驚喜最出色之作，入口甘香肥美，魚肉厚切入口口感極是豐富，魚香濃郁過人。餐廳更可以免費加飯，套餐更包括沙律，前菜和麵豉湯，非常飽足。