新潮發海鮮菜館

Open Now

Now Closed

新潮發海鮮菜館 (長洲)📍長洲北社海旁路13號地下C號舖傳統長洲海鮮餐廳，午飯時間人山人海，有海景位同室內冷氣位，但我一家大細費事等咁耐，坐咗半室外位，今日天氣唔熱，都坐得幾舒服。食物叫咗套餐，送一碟生菜同粟米魚肚羹，飲品要另外叫。🍳 蠔仔煎蛋蛋邊有少少燶，入面唔會太熟有蛋汁，蠔仔鮮甜美味，加上有芫荽，令最啱我呢啲荽人😂。🦑 避風塘魷魚魷魚肉質彈牙，炸粉唔會太厚，就算唔點醬汁都好好味。🐟 椒鹽九肚魚魚肉食落好滑，就算有骨都係又細又幼嘅骨，可以直接食埋。炸粉份量啱啱好，椒鹽味夠晒，唔使再額外點鹽。🥦 蒜蓉炒西蘭花咬落鮮甜可口，加上陣陣蒜蓉味，令菜色加分。🍍 菠蘿生炒骨肉比較細粒，好彩份量都多，炸得香脆，醬汁甜甜酸酸，好開胃。