樓下火鍋飯店

Open Now

Now Closed

近呢幾個月因為疫情所以好多人都盡量吾外出食飯，維持咗幾個月，都有點悶架，早2日戴生戴太話不如今晚，3個人約出來食飯---打邊爐，好喎 (雖然有少少驚，我諗吾怕啩)，我呢個冬天好似打過1、2次，太少了....前2日SEARCH下邊度有開，受疫情同限聚令影響，即使已放寬至8人，原來有D地方都仍暫停，睇下D食評同有冇限時，剔咗2-3間，見到呢間"樓下"D裝修好似幾靚，食評又吾錯，所以決定BOOK呢度試下....一入門口，落樓下，感覺有D似去咗歷史博物館其中一區，60、70年代D鋪頭皮門面，連廁所門都有懷舊FEEL，枱櫈杯碟都佈置到好似去咗大排檔食嘢咁，我地剔咗有本手切肥牛(本來要大紅袍牛王拼盤但冇) 、3拼餃、招牌五寶丸、脆鯇腩、潮州魚蛋、竹笙墨魚、西班牙豬肉、紫菜炸響鈴、西洋菜，湯底簡單揀咗沙爹拼芫茜皮蛋豆腐 ($78元)，D食物都幾新鮮，餃類、丸類都好食、地方環境乾淨，服務好好，觀察倒客人需要就馬過來.....可能太多人好耐冇聚，一見面就談天說地、暢飲一番，營造到連氣氛也像大排檔 咁熱鬧...