新肥泉海鮮大排檔

Open Now

Now Closed

冬天當然唔少得約埋一大班朋友仔食大排檔。呢間位於佐敦，室內位置，提供多款豬牛雞、小食、湯羹、小炒、砂鍋、粥粉麵飯、飲品等。除咗單點之外亦可以選擇放題套餐，大胃王嘅點呢個會更加抵食。前菜有手拍小黃瓜，微微辣，十分開胃、酸薑皮蛋嘅酸薑份量十足，都幾薑吓，搭配皮蛋可中和味道。私心推介手拍西施骨，本以為係小食，都有成六七件，嫩滑多汁啖啖肉，值得一試。主食有當紅炸子雞，半隻上，外皮炸至酥脆，肉質嫩，比得上出面嘅酒樓。腰果黑醋骨，大塊多肉，顏色偏淡但味道酸甜開胃。番茄新鮮魚雲薯仔湯，飲落清甜，配料十足。大力推介黃金有機茄子，炸至金黃，茄子好Juicy，超級好味、當歸紀子浸白菜同蕃茄野菌浸時蔬都唔錯，入味，鮮甜，十分健康。肥泉小炒王就正常發揮，韭菜稍微有渣，但味道唔錯。