風雲排檔

Open Now

Now Closed

最近有間旺角川菜店轉型做大排檔食物，豬牛雞魚菜、煎炸烤焗蒸，基本上諗得到嘅呢度都有供應，見餐牌上亦有保留唔少特色四川菜，另外午餐時段有客飯可以叫，會話性價比甚高。私心推介涼瓜牛肉，份量唔少，涼瓜爽口帶咬口，牛肉大塊且煮至軟身，牛味突出，調味適中，唔覺唔覺就清曬～ 醬爆雞丁同樣出色，醬汁濃厚，雞肉嫩滑且入味，越食越上癮。如果撈飯嘅話會推介蕃茄蛋煮牛肉同干煸四季豆，前者夠濕潤，後者微微辣，炒得都唔算好油膩，所以食完都唔會覺得口渴。另外有菠蘿咕嚕肉，偏大塊，外脆內嫩，酸酸甜甜好開胃。清淡健康之選有蝦仁炒蛋，乾身又飽肚，絕對可以補充足夠嘅蛋白質。大碗盤花菜反而有驚喜，菜品新鮮，咬落多汁，肉就肥瘦均勻，兩者搭配都幾夾，整體用餐體驗唔錯，適合一家人聚餐。