楚撚記大排檔 (日富里百好大廈)

Open Now

Now Closed

今次嚟到西營盤，好多人都會講嘅炒小菜餐廳。環境似足7、80年代舊式香港裝修，氣氛滿滿之外，整體味道高質。🍺大啤：大排檔feel當然要叫番支啤酒，而呢度最出名當然係用「戰鬥碗」嚟飲酒。同朋友嚟可以劈過你死我活😂🌱豆漿杞子鮮腐竹浸時蔬：用豆漿做湯底，配上杞子同新鮮腐竹，豆味非常重，甜甜地好似飲緊豆漿。再用嚟浸蔬菜，非常健康 🌱香煎黑松露手打蓮藕墨魚餅：又煎到外脆內軟，墨魚餅口感彈牙，配上粒粒蓮藕，增加口感。而黑松露味非常香，再度提升味道層次🌱楚撚記原隻脆皮炸豬手：果然係招牌菜！分量多，新鮮炸出嚟豬手表面非常香脆，豬手又夠鹹香味，值得一試🌱楚撚豬油撈飯 / 白飯 ：懷舊菜當然要叫豬油撈飯！豬油同豉油係分開上枱，根據個人喜好而自己添加。豬油非常香，而豉油都夠味。完全係食緊當年細細個時候嘅味道🌱乳鴿：好正！一定要試！