Video
Read full review
2024-09-12
428 views
天氣開始轉涼，終於可以坐係大排檔食即叫即整的鑊氣小炒啦！今次來到這間位於佐敦官涌街市熟食中心的大排檔，皆因被他們的任食小炒所吸引，無錯，係大排檔放題，任飲任食呀！店家分了三個價位供顧客選擇，最平$288一位，90分鐘內就可以任食過百款經典鑊氣小炒、砂鍋煲、牛豬雞類菜式、湯羮、粥粉麵飯及小食等，而且汽水任飲，對於大胃王黎講相當抵食；加一百蚊可叫埋火鍋及麻辣水煮菜，再加一百蚊仲有生猛海鮮任揀。不過每人每次只可叫兩碟，食完晒才可再叫新菜式，都係既，食得晒先至好嗌，唔好做大嘥鬼嘛！食咗以下幾款算唔錯：可愛BB鴿BB鴿鴿肉不多，但勝在真的有乳鴿味道，肉質不老，外皮炸得香脆。豉油王新鮮鵝腸，鵝腸份量好多，每條都洗得好乾淨，入口夠肥夠爽，底層的芽菜索滿豉油汁超好食胡椒豬肚雞煲整鍋上桌時真的嚇了一跳，整整一隻雞的份量，不過雞肉就鞋口了少少，可能煮得太耐，而豬肚就煙韌爽口好食，加上酸菜幾開胃。海鹽香煎和牛粒和牛粒油脂偏多，入口好軟嫰，由於已經有少少海鹽，所以咸咸香香都不錯。菠蘿咕嚕肉咕嚕肉外層薄脆，粉唔會太厚，肉質偏瘦，醬汁味道甜甜酸酸，正常發揮。潮爆黃金炸魚皮蛋黃沾滿在魚皮上好香，魚皮炸得勁脆好似食薯
可愛BB鴿
BB鴿鴿肉不多，但勝在真的有乳鴿味道，肉質不老，外皮炸得香脆。
豉油王新鮮鵝腸，
鵝腸份量好多，每條都洗得好乾淨，入口夠肥夠爽，底層的芽菜索滿豉油汁超好食
胡椒豬肚雞煲
整鍋上桌時真的嚇了一跳，整整一隻雞的份量，不過雞肉就鞋口了少少，可能煮得太耐，而豬肚就煙韌爽口好食，加上酸菜幾開胃。
海鹽香煎和牛粒
和牛粒油脂偏多，入口好軟嫰，由於已經有少少海鹽，所以咸咸香香都不錯。
菠蘿咕嚕肉
咕嚕肉外層薄脆，粉唔會太厚，肉質偏瘦，醬汁味道甜甜酸酸，正常發揮。
潮爆黃金炸魚皮
蛋黃沾滿在魚皮上好香，魚皮炸得勁脆好似食薯片咁。
Post
