Video
Read full review
2022-11-07
422 views
人氣米芝連泰國餐廳！今日特登慕名而來✨✨ 1830 左右去到，見到門口好多人等緊… 個下以為死得，有排等，打算行去利東街行下既時候，就收到餐廳電話話入得！等候過程5分鐘咋！！！😻一共嗌左3道菜炒泰國通菜$88一上到黎好香，食落仲要好有鑊氣，每一條都好翠綠！份量唔算少，但$88覺得價錢都幾進取😀😀超有人氣泰式和牛濃湯河$158有4塊和牛，大約2件既牛腩，幾粒肉丸，仲有啲通菜。一上到嚟見到湯嘅顏色咁深色，我心諗今次個腎點算🤣🤣會唔會咸死，但男朋友試完話味道岩岩好！唔會好咸，湯可以就咁飲都得。試完之後又真係覺得調味適中，絕對唔會腎病！湯既味道仲有小小金不換/香茅既味道🥰和牛一上到黎係5成熟左右！覺得岩岩好口感極佳，牛腩煮到岩岩好！船麵既湯好掛麵，食既時候加埋小小湯💯💯之後嗌左一個泰式炒闊河粉$128個人最鍾意依一道菜💞香港比較少食到好食既炒闊河粉，一黎味道岩岩好，係有啲甜豉油既風味，唔會炒到一舊舊，黐埋一齊。個人覺得依一款炒河粉係濕炒河！炒河粉入邊嘅雞肉都好滑一啲都唔鞋👍🏻但不過依間舖頭環境就真係一般，因為鋪面比較細坐落去會覺得有啲迫… 呢度三個人有機會要坐二人枱其中一個坐走廊.. 男士嘅話
今日特登慕名而來✨✨ 1830 左右去到，見到門口好多人等緊… 個下以為死得，有排等，打算行去利東街行下既時候，就收到餐廳電話話入得！等候過程5分鐘咋！！！😻
一共嗌左3道菜
炒泰國通菜$88
一上到黎好香，食落仲要好有鑊氣，每一條都好翠綠！份量唔算少，但$88覺得價錢都幾進取😀😀
炒通菜
$88
23 views
1 likes
0 comments
超有人氣泰式和牛濃湯河$158
有4塊和牛，大約2件既牛腩，幾粒肉丸，仲有啲通菜。
一上到嚟見到湯嘅顏色咁深色，我心諗今次個腎點算🤣🤣會唔會咸死，但男朋友試完話味道岩岩好！唔會好咸，湯可以就咁飲都得。
試完之後又真係覺得調味適中，絕對唔會腎病！湯既味道仲有小小金不換/香茅既味道🥰
和牛一上到黎係5成熟左右！覺得岩岩好口感極佳，牛腩煮到岩岩好！
船麵既湯好掛麵，食既時候加埋小小湯💯💯
之後嗌左一個泰式炒闊河粉$128
個人最鍾意依一道菜💞香港比較少食到好食既炒闊河粉，一黎味道岩岩好，係有啲甜豉油既風味，唔會炒到一舊舊，黐埋一齊。
個人覺得依一款炒河粉係濕炒河！
炒河粉入邊嘅雞肉都好滑一啲都唔鞋👍🏻
$128
22 views
0 likes
0 comments
但不過依間舖頭環境就真係一般，因為鋪面比較細坐落去會覺得有啲迫… 呢度三個人有機會要坐二人枱其中一個坐走廊.. 男士嘅話，應該會覺得坐得唔舒服
不過我今次就好好彩等位只係等咗5分鐘，如果等候時間只係10至15分鐘，我覺得依間餐廳值得大家去試👍🏻
但如果要等30分鐘以上嘅話我就覺得有啲唔值🤔🤔
不過值得一讚嘅就係衛生唔錯，見到啲店員真係有用消毒噴霧抹枱同埋抹椅👏🏻👏🏻👏🏻
同埋上菜速度快到嚇親人，大概落咗單5分鐘內就到😹😹 但食落去嘅時候真係即刻炒出嚟唔會凍，好佩服廚師嘅速度👏🏻
食完之後係你埋單之前店員已經會秒速過嚟收起晒你嘅餐桌用具.. 好似想你快啲埋單快啲走
Post
