六小館

有時lunch time經過「六小館」都會想試下，因為見佢哋既點心同小菜都好精緻同夠鑊氣咁，所以今日收咗工就去試下。黃昏既關係，所以餐廳望出去既天色都好靚，燈光同座位都坐得好舒服。「水煮安格斯牛肉」($208): 中意食辣既唔可以錯過，開頭食一兩舊唔會覺得好辣，但越食越辣，牛肉都好足料同夠厚身，唔會好hea咁用薄切牛肉。配料仲有大家常見既薯粉同埋萵筍，兩個人食食到好飽🤣「魚蝦蟹鍋燒豆腐」($178): 個人強烈推介依款小菜，入面有魚肚、蝦、蟹柳條同埋主角豆腐。醬汁非常之濃郁，加埋炸豆腐果種香味，魚肚更加係吸曬醬汁既味道，用黎送飯非常之好味，分分鐘一碗飯都唔夠。