星記海鮮飯店 (一號廣場)

Open Now

Now Closed

要數到連續拎咗好多年米芝蓮嘅中菜，星記應該係當中比較經濟實惠又有水準嘅選擇，好啱同屋企人黎食。煎咸雞用咗大量蔥蒜起鑊香到爆，話明煎咸雞當然係有鹹香味，我好鍾意佢夠入味得黎咸淡啱啱好，空口食都唔會太咸。 生煎嘅雞肉完全唔會乾，水潤嫩滑，重點係非常乾爽，夾起完全冇油，好健康。好鍾意椒鹽鮮魷用咗大大隻嘅魷魚，食得出係今日即劏嘅新鮮貨，爽口扎實，炸到脆一脆點喼汁食一流。自從自己煮飯之後就少食蒸肉餅，出街見到都會叫，發現用嘅肉靚唔靚真係食得出好大分別。 呢度肉餅好有彈性，半肥瘦得嚟剁得好仔細，唔會食到明顯嘅肥豬肉，如果住附近嘅話真係有衝動成日買返屋企加餸。 但份量真係比想像中多好多，我相信夠四個人用嚟餸哂碗飯。老火湯同八寶茶都好唔錯，服務殷勤，會同屋企人再黎。