Yadllie Plate 야들리애플래이트 (兆萬中心)

相信大家對呢間都唔陌生，會話係香港數一數二超人氣嘅韓國餐廳，主打多款特色韓式料理，由主菜、小食、炸雞、鍋物、飲品、甜點等應有盡有，價錢合理而且份量十足，值得到訪。前菜有Salad，新鮮蔬菜搭配嫩滑雞肉、堅果等配料，以檸檬汁混合而成，酸甜開胃，好好味。小食有Pirate Platter，包含炸蝦、炸魚、洋蔥圈同八爪魚，炸至金黃酥脆，八爪魚仲要係原條上，簡直係視覺同味蕾嘅雙重享受！嚟得食韓國嘢又點少得炸雞？呢度嘅雞都係喺韓國入口，可以揀有骨定冇骨，口味方面都有好多選擇，黃金蒜香味道突出，炸雞雖然大大件但係食落嫩滑又多汁，下面仲有蕃薯條，唔油膩又帶點煙韌感，一不小心就食晒。見每台都嗌，所以又叫咗個魚介湯鍋。份量驚人，分開四個格，放入大量唔同形狀嘅串串魚糕、魚蛋、年糕、蘿蔔、娃娃菜、雜菇，個人最鍾意豆腐，入口滑嘟嘟而且好入味，開心。