元朗冰室

Open Now

Now Closed

呢間元朗冰室喺太子，特餐由朝早十一點開始供應，可以自由配搭餸，加三蚊多一款，唔驚唔夠飽！除咗必備嘅沙嗲牛肉雪菜肉絲等等，加十蚊仲有厚豬扒。既然sell自己係厚豬扒專門店，當然要試吓佢哋豬扒。個豬扒雖然望落唔大舊，但的確比平時食嗰啲厚，切開已經見到好多肉汁，個皮煎得好香脆，啲肉好滑、唔韌，果然係好好食。至於個麵，份量都幾多，用大碗裝，沙嗲牛肉同雪菜肉絲都好多，仲有兩舊午餐肉。平時食呢類餐好怕唔夠飽，食呢一個絕對唔會。特餐當然唔少得個包同蛋啦，個包加咗蒜蓉焗，好脆；炒蛋好滑。除咗常餐，見到全日早餐都好多人食，下次再嚟可以試吓。