Video
Read full review
2017-07-09
1269 views
今日因為考試既關係，屈小姐專程陪賴生入到黎屯門參加聚會，係聚會未開始之前，我地就把握時間黎到呢間新開既米線店試下佢地既出品！我地用openrice個map function搵到間舖之後，就拉開個趟門入去坐低叫野食啦！呢度幾好喎，超闊落，間舖都幾大間，眼見有5-6張卡位可以容納到6個人坐既，而中間更加有2張枱係可以招呼10個人既，我地2個坐張卡位真係超鬆動！今次黎既目的係要試下呢度出名既湯底 - 1）黃酒煮雞湯 & 2）蟲草花雞湯! 一碗好食既米線，湯底既重要性基本上已經佔左8成，只要湯底做得夠濃夠鮮，米線就會吸晒湯底既味道，變得份外好食！所以湯底真係要落足功夫同心機去整，米線先會成功嫁同埋叫呢2款湯底就可以選擇跟飯/米線，仲有1杯熱飲添，CP值都幾好，初初佢黎錯左飯，碗飯都好大碗嫁，同湯分開上嫁！好彩店主姐姐好好人，即刻幫我地換番仲無黑面，麻煩晒（要照顧我地呢2位麻煩同偏食既小朋友，辛苦哂啦，祝你生意興隆呀）屈小姐之選：1）黃酒煮雞米線 ： 4.5⭐️初初呢屈小姐就因為望落呢個湯好似有啲油，唔係好敢食，點知食食下同賴生交換左！不過呢個湯真係好好味，可以話係鎮店之寶！佢將薑同雞都分別煎香晒
我地用openrice個map function搵到間舖之後，就拉開個趟門入去坐低叫野食啦！呢度幾好喎，超闊落，間舖都幾大間，眼見有5-6張卡位可以容納到6個人坐既，而中間更加有2張枱係可以招呼10個人既，我地2個坐張卡位真係超鬆動！
今次黎既目的係要試下呢度出名既湯底 - 1）黃酒煮雞湯 & 2）蟲草花雞湯! 一碗好食既米線，湯底既重要性基本上已經佔左8成，只要湯底做得夠濃夠鮮，米線就會吸晒湯底既味道，變得份外好食！所以湯底真係要落足功夫同心機去整，米線先會成功嫁
同埋叫呢2款湯底就可以選擇跟飯/米線，仲有1杯熱飲添，CP值都幾好，初初佢黎錯左飯，碗飯都好大碗嫁，同湯分開上嫁！好彩店主姐姐好好人，即刻幫我地換番仲無黑面，麻煩晒（要照顧我地呢2位麻煩同偏食既小朋友，辛苦哂啦，祝你生意興隆呀）
黃酒煮雞米線
$55
103 views
0 likes
0 comments
屈小姐之選：
1）黃酒煮雞米線 ： 4.5⭐️
初初呢屈小姐就因為望落呢個湯好似有啲油，唔係好敢食，點知食食下同賴生交換左！不過呢個湯真係好好味，可以話係鎮店之寶！佢將薑同雞都分別煎香晒，先撞入黃酒煮滾，雞味同薑味都滲入晒湯底度，暖得黎又夠鮮，好入味又補身，夾米線真係無得輸，如果愛好芫茜既你，加多d仲有多層香氣，令味道層次升級嫁！入面仲好多雞件，食完好飽嫁
只可惜呢⋯⋯雞煎得老左D，比較鞋，同多骨，扣半⭐️啦！
蟲草花雞湯米線
$45
91 views
0 likes
0 comments
賴生之選：
2）蟲草花雞湯米線：4⭐️
其實蟲草花一向都係屈小姐同賴生至愛既食物之一，貪佢有濃郁既味道同一條條彈下彈下既口感，而且又係健康野，所以見到通常都忍唔住口要叫一叫，之但係呢個蟲草花雞湯冇乜蟲草花味道既，好在佢個湯都清得黎夠鮮甜，唔錯唔錯，都好夾米線，但如果要揀，我會揀黃酒煮雞湯食，因為出色好多
總結：
好難得可以係新墟有1間咁出色既米線，終於唔駛成日被逼食連鎖店，而且坐得超舒服好鬆動，服務態度又好好老闆娘你要加油呀，要做落去，我地好欣賞你呀，下次我地會坐耐D，預番鬆D時間去食，嘆你既出品嫁
#辛苦你照顧我呢個緊張大師x炆薑
#辛苦妳陪我速食米線
#熱親個嘴啦
#嘿嘿嘿，成功交換到碗黃酒煮湯比妳食
#奸計得逞
#小店要加油呀
#值得推介
#黃酒煮雞
Post
