YAKINIKU KAKURA (黃埔天地聚寶坊)

Open Now

Now Closed

聖誕將至，約咗朋友中午去黃埔食飯兼買聖誕禮物，經過黃埔天地聚寶坊，YAKINIKU KAKURA 剛剛開門，決定喺到食個午餐，店內已作聖誕佈置增添氣氛，我們選咗兩個燒肉餐再追加一點食物。黑毛和牛大判燒係必食，牛肉肥瘦比例啱啱好，油脂分布均勻，牛肉味同油香係恰到好處，而且非常嫩滑，隨餐奉上溫泉蛋混牛肉食更嫩滑。牛板腱肉都好軟，就係脂肪較少。海鮮盛盒有兩隻大蝦、6片魷魚、4粒帶子好豐富，大蝦爽口鮮甜。魷魚好大塊，同樣有彈性，燒到微微焦啲海鮮味突出，牛油帶子都算大粒，用錫紙盆加牛油燒最好不過。和牛腹柳小排，比較厚切脂肪比較唔錯，有牛味有口感。黑毛豚無骨小排，油脂好豐富，一燒已經增加火勢，直接接觸到火焰，燒得更香仲有焦脆風味。燒肉餐另跟米飯、沙律、海帶湯、小食同飲品，餐後仲有甜品送，係杏仁豆腐同雪糕泡芙，應有盡有，朋友都食得好滿意。