Video
Read full review
2022-10-09
60 views
銅鑼灣登龍街就係TIMES附近，好容易搵到，出曬名多嘢食。最近新開咗一間主打烏冬嘅【SOLO UDON ソロうどん】，作為烏冬控，一於即刻約埋朋友一齊去試， 一次過可以試多幾樣嘢食😋店面裝修比較明亮光鮮、型格新穎。一入到去走廊，就見到有2部觸屏點餐機，原來呢間餐廳嘅整個點餐過程，都好革新、方便。首先用兩部觸屏屏幕，先點餐付費，然後再入坐。Menu顯示呢度嘅烏冬有成 11款選擇！冷烏冬有3款，熱烏冬有8款。已經好期待啦！快速地同朋友點好餐之後，就攞住張單去入去搵位坐。呢度既每一個座位，都以縷空隔板分隔，果然如其名“solo”，主張獨食主義。每個位置嘅左手邊都有個scanner，嘟左已付款單據既QR code,就會自動上菜埋位。餐廳比較中間嘅位置，前面嘅係一塊簾，可以直接喺嗰度上菜，模式好似一蘭。呢個過程，比較衛生，亦省卻等待送菜嘅時間，保證食物可以熱辣辣上枱，食得舒服。烏龍麵，係日本既叫法，其實即係烏冬。呢度嘅烏冬全部都係用北海道面粉自制，果然係好講究嘅烏冬專門店！🍜蝦濃湯吉列蝦烏龍麵熱烏冬款之一蝦湯底味道超級濃郁，質地亦稍為濃厚稠杰，絕對足料！每款有兩條吉列蝦，吉列蝦脆卜卜，連埋個蝦濃
好容易搵到，出曬名多嘢食。
最近新開咗一間主打烏冬嘅【SOLO UDON ソロうどん】，
作為烏冬控，
一於即刻約埋朋友一齊去試，
一次過可以試多幾樣嘢食😋
店面裝修比較明亮光鮮、型格新穎。
一入到去走廊，就見到有2部觸屏點餐機，
原來呢間餐廳嘅整個點餐過程，
都好革新、方便。
首先用兩部觸屏屏幕，先點餐付費，
然後再入坐。
Menu顯示呢度嘅烏冬有成 11款選擇！
冷烏冬有3款，熱烏冬有8款。
已經好期待啦！
快速地同朋友點好餐之後，
就攞住張單去入去搵位坐。
呢度既每一個座位，
都以縷空隔板分隔，
果然如其名“solo”，主張獨食主義。
每個位置嘅左手邊都有個scanner，
嘟左已付款單據既QR code,
就會自動上菜埋位。
餐廳比較中間嘅位置，
前面嘅係一塊簾，
可以直接喺嗰度上菜，
模式好似一蘭。
呢個過程，比較衛生，
亦省卻等待送菜嘅時間，
保證食物可以熱辣辣上枱，
食得舒服。
烏龍麵，係日本既叫法，其實即係烏冬。
呢度嘅烏冬全部都係用北海道面粉自制，
果然係好講究嘅烏冬專門店！
🍜蝦濃湯吉列蝦烏龍麵
熱烏冬款之一
蝦湯底味道超級濃郁，質地亦稍為濃厚稠杰，絕對足料！
每款有兩條吉列蝦，
吉列蝦脆卜卜，連埋個蝦濃湯，
十分好味！
蝦濃湯吉列蝦烏龍麵
5 views
0 likes
0 comments
🍜明太子溫泉蛋冷烏龍麵
冷烏冬款之一
相比熱烏冬，冷烏冬味道一般比較淡，
但優勝在，個質感更彈牙！
冷烏冬透心涼，消暑，天氣熱時食最啱。
除咗明太子同溫泉蛋之外，
碗邊仲提供咗wasabi，
加埋wasabi味道更有層次！
枱面亦有天婦羅脆脆，
建議配冷烏冬食，口感多元化享受！
🥢明太子芝士春卷
小食之中，呢個大推！
超級好味，
外面脆卜卜，
入面充滿明太子同芝士，仲可以拉出長長拉絲！
明太子芝士春捲
5 views
0 likes
0 comments
🥢櫻花蝦芫茜餅天婦羅
呢個係佢哋另一個名物。
成個炸得鬆鬆脆脆，
喜歡芫茜嘅朋友應該會大愛，
櫻花蝦蝦味鹹香，
配埋芫茜嘅香味一齊食，
原來都幾好味、幾夾
🥢海蝦天婦羅
天婦羅粉漿薄薄的，
入面嘅海蝦鮮味彈牙！
不過冇比較冇傷害，
相比較之下個人更加喜歡蝦濃湯烏冬入面嗰兩隻吉列蝦。
🥢南蠻炸雞
欣賞佢有沙律菜伴著，
食咗之後就可以減輕油膩感。
🥫🍰罐裝牛乳蛋糕
又一必食之選！！！
真係好好味，
明明其實已經好飽，都忍唔住成罐食晒！😂
（謎之音：究竟要幾耐先抵消到今餐嘅卡路里🙈）
好可愛既透明罐裝！
開嗰陣注意小心 唔好鎅親手。
暫時有兩款口味：草莓同抹茶
🍓草莓味
一層忌廉一層蛋糕嘅分佈，
忌廉牛乳蛋糕質感鬆軟輕身，
甜甜士多啤梨，都有助祛油膩感，唔會太膩。
🍵抹茶味
一層抹茶忌廉，一層抹茶蛋糕
每一啖都係唔同質感,
但濃濃嘅抹茶味道，
抹茶控必愛！
罐裝牛乳蛋糕
6 views
0 likes
0 comments
飲品方面，
大推佢地自家製，冇糖冇防腐劑嘅solo tea!
茶有2款，
分別係玉山烏龍同炭焙烏龍。
兩款都係超熱門選擇，
見到真係要九秒九即刻點！
好容易售罄！！
☕️SOLO TEA 玉山烏龍
店家自家配制既冷泡茶，
茶味突出清香！
加咗甘草粉，
飲落咽喉會有有微微透涼感，好舒服，
尾段茶味回甘味亦十足！
可惜炭焙烏龍售罄，
今次試唔到🥲
下次行過，
我都絕對要特登嚟買一買呢個solo tea!
實在好飲！大推！
🥤日本木村靜岡綠茶可樂
未試過綠茶可樂，
第一次飲，
簡單就係唔係好甜、滲好淡綠茶味嘅可樂。
solo tea
4 views
0 likes
0 comments
Post
