皇玥

Open Now

Now Closed

疫情下的新年有限聚令，有禁堂食，連年宵都叫停，今年的新年應該在疫情的陰霾下度過，雖然不能跟親朋戚友團聚，但心意就一定要加倍。今次就去了皇玥買年禮，一方面大方得體，另一方面又比傳統的年禮更添心意，甜點比較新穎，適合一家大細品嚐。我自己先買了一盒試下，一盒有四款甜點，包括了蝴蝶酥、曲奇、黃金脆條及蛋卷，一次過可以試到多款口味，而且全部都有獨立包裝，乾淨又方便。全部甜點都唔會太甜，比較健康。蝴蝶酥有原味及紫菜味，入口香脆，充滿牛油香。曲奇有椰絲及紫菜味，椰絲較香，而且鬆脆。黃金脆條充滿咸蛋香，有點似千層酥。蛋卷有我至愛的伯爵茶，茶味清香加上牛油香，真係無得頂。如果過年我收到這份年禮一定比收到行到爆的傳統朱古力、曲奇開心一百倍，至少會吸引到我去食。