Video
Read full review
2023-03-29
410 views
作為一隻土生土長嘅屯門牛，中學嘅節目一定唔少得去蝴蝶灣、龍鼓灘 BBQ！⛱️難得約到中學同學出嚟，梗係要聚一聚！不過今次就去咗個新場，就係大欖燒烤，本來查 Google map 見要喺屯轉行 15分鐘先到，有啲想放飛機✈️，好彩發現有 K51 直到，其實就係黃金海岸過多幾個站，都算幾方便！呢度分咗兩邊，一邊係食串燒同海鮮🦐，貴少少但有冷氣，不過呢種燒烤市區都有得食，今次我哋嘅目的係想回味下港式燒烤嘅～😝雖然夜晚先到，但呢度其實畀 $160 就可以由朝燒到夜，加 $90 仲可以升級打邊爐，都真係幾抵！無論燒烤定邊爐嘢食都幾多選擇下，🍡丸類、🥩扒類、🥦蔬菜、🦑魷魚都有，而且醃法都好多款，🐥雞翼就有6個味，食材未必好高級，但就好似去咗凍肉鋪任你揀！呢個價錢，唔駛自己去街市買料搬炭，算係咁啦～😋扒類同雞翼都醃得好入味，就算唔記得塗蜜糖都好好食！當然，港式燒烤梗係要塗海量蜜糖先有風味啦！！！除咗任食嘅項目，同其他嘅任食場一樣，總係有啲加購項目，想食豪啲可以加和牛、龍蝦、鮑魚等，炭就 $28包，價錢都正常，無話特別加價。😇員工都好好，佢哋仲推介我哋燒莎莉蛋糕，🍞原來燒咗真係好好食，外脆內軟，仲好香牛油
呢度分咗兩邊，一邊係食串燒同海鮮🦐，貴少少但有冷氣，不過呢種燒烤市區都有得食，今次我哋嘅目的係想回味下港式燒烤嘅～😝雖然夜晚先到，但呢度其實畀 $160 就可以由朝燒到夜，加 $90 仲可以升級打邊爐，都真係幾抵！
無論燒烤定邊爐嘢食都幾多選擇下，🍡丸類、🥩扒類、🥦蔬菜、🦑魷魚都有，而且醃法都好多款，🐥雞翼就有6個味，食材未必好高級，但就好似去咗凍肉鋪任你揀！呢個價錢，唔駛自己去街市買料搬炭，算係咁啦～😋扒類同雞翼都醃得好入味，就算唔記得塗蜜糖都好好食！當然，港式燒烤梗係要塗海量蜜糖先有風味啦！！！
除咗任食嘅項目，同其他嘅任食場一樣，總係有啲加購項目，想食豪啲可以加和牛、龍蝦、鮑魚等，炭就 $28包，價錢都正常，無話特別加價。😇員工都好好，佢哋仲推介我哋燒莎莉蛋糕，🍞原來燒咗真係好好食，外脆內軟，仲好香牛油味，🍌下次除咗燒香蕉之外，又多個私心 item 了！
燒烤場都幾大下，每枱嘅距離都算遠，比起龍鼓灘環境好好多，而且乾淨，⛳️可能平日晚去，涼涼哋，人唔多，坐得好舒服，唔覺唔覺就坐咗好幾個鐘！🌟我幾鍾意佢嘅枱，好似飛碟咁圍住個爐，中間可以用燒烤叉或者加個網去燒，燒熟就可以直接喺枱邊食，唔駛離枱好方便！加個網燒唔洗又戴又除手套🥊，又可以燒到BBQ風味嘅美食，好啱我呢啲怕污穢又懶嘅人。今次絕對係我用得最少紙巾嘅一次港式BBQ！
最搞笑係佢有個復活節打卡位，🥚啲大大隻夜光蛋同喺長居植物園 TeamLab 嗰啲一樣🥚，扮下嘢去咗大阪都得！呵呵～
Post
