Video
Read full review
2010-11-14
182 views
11-11-2010都講過 N 次, 怕「飯氣攻心」, lunch time 的澱粉質 intake 一向只會係麵類或三文治, 近來卻唔知點解飯癮超大, 是日仲好想整碟咖喱羊腩飯 行到過嚟鵝頸街市, 想試的清真惠記卻滿座兼迫人到埋唔到去, 唯有轉戰隔嚟呢度, 還掂得返 1001 個位都俾我「攝」到入去 原來呢度都有供應咖喱羊, 不過呢度既然主打燒味, 先試試燒鴨脾飯 ($34) 加咖喱汁.伙計阿叔先遞上一碗例湯, 是日係花生眉豆佛手瓜雞腳湯: 味道清淡又的確無 MSG, 不過其實稀如水, 飲了幾啖就放棄了.燒鴨脾飯: 賣相太靚, serve 時係吸引了隔嚟幾張檯的食客, 個個投以「艷羨目光」之餘, 仲不斷聽到「嘩嘩」聲 /「好靚喎」 燒鴨脾皮少少韌, 皮下脂肪唔少, 不過食落真係好香, 肉就夠晒嫩滑軟腍, 帶輕輕的鴨羶味, 正! 咖喱汁賣相有少少「螢光」, 食落唔太辣, 不過就夠晒香濃, 仲有陣陣羊味 , 送飯無得頂! 不過碟頭實在太大, 點食都食剩 1/3, 下次「扣底」先得.都係第一次上嚟鵝頸街市, 行了一圈好似好多嘢食, Openrice 上的食評又好似不
11-11-2010
都講過 N 次, 怕「飯氣攻心」, lunch time 的澱粉質 intake 一向只會係麵類或三文治, 近來卻唔知點解飯癮超大, 是日仲好想整碟咖喱羊腩飯 行到過嚟鵝頸街市, 想試的清真惠記卻滿座兼迫人到埋唔到去, 唯有轉戰隔嚟呢度, 還掂得返 1001 個位都俾我「攝」到入去 原來呢度都有供應咖喱羊, 不過呢度既然主打燒味, 先試試燒鴨脾飯 ($34) 加咖喱汁.
伙計阿叔先遞上一碗例湯, 是日係花生眉豆佛手瓜雞腳湯: 味道清淡又的確無 MSG, 不過其實稀如水, 飲了幾啖就放棄了.
燒鴨脾飯: 賣相太靚, serve 時係吸引了隔嚟幾張檯的食客, 個個投以「艷羨目光」之餘, 仲不斷聽到「嘩嘩」聲 /「好靚喎」 燒鴨脾皮少少韌, 皮下脂肪唔少, 不過食落真係好香, 肉就夠晒嫩滑軟腍, 帶輕輕的鴨羶味, 正! 咖喱汁賣相有少少「螢光」, 食落唔太辣, 不過就夠晒香濃, 仲有陣陣羊味 , 送飯無得頂! 不過碟頭實在太大, 點食都食剩 1/3, 下次「扣底」先得.
都係第一次上嚟鵝頸街市, 行了一圈好似好多嘢食, Openrice 上的食評又好似不錯, 以後 lunch 會多 d 行過來食嘢的.
Post
