豊勝手丼 (Moved) New Location

今日同日本來的朋友喺銅鑼灣shopping 日本妹居然話想試吓香港嘅刺身飯🤣所以我就帶咗佢哋呢一間小店 因為下午嘅關係 唔使排隊實在太好了 店面細細但係都好有日本風情 呢度主打丼飯 話說最近都食咗好多刺身所以今次我就揀咗北海蟹丼 鍾意食蟹嘅朋友仔一定要試！當店員將丼飯送到去我面前嘅時候我哋都不敢嘩咗一聲 賣相仲豐富過Menu張相 大大碗 有啖啖肉松葉蟹腳 蟹籽 蟹膏 蟹肉碎 蟹鉗 仲要份量一啲都唔小!!! 所有蟹殼都處理好晒 完全唔需要自己再動手 慢慢享受你面前嘅美食真係一件賞心樂事 味道非常之新鮮 唔會食到有任何雪藏味道 而且仲有少少海水鮮甜味還要值得一讚嘅係佢嘅壽司飯可以無限添加㗎 同大食鬼嚟都唔會怕食唔飽