Video
Read full review
2021-06-13
896 views
之前試過唔同鮨店既Omasake, 初次到訪Sushi Misumi鮨美澄，成間鮨店吧枱有九個位，今次馮師傅負責六位（包括我地），日本師傅負責三位。一坐低咁岩位前面有養蟹仔，問師傅先知原來係養住夜晚會炸黎伴碟。另外擺盤用既碟同底盤好靚，視覺上已經令我覺得更加好味。😊今次遇到馮師傅，每道菜都解釋得好清楚，唔會講其他多餘野，成餐飯都係圍繞住點樣處理本次既食材。有好多位都好細心，包括上道菜啲汁喺隻碟度都會幫我哋抹好再上下一道。而店員服務態度都好好，好細心。不斷加茶水，收碟都好好禮貌。我地同旁邊兩枱都有交流，我鍾意咁樣既用餐過程，有講有笑，大家都好開心話一定會再黎。成個用餐過程好舒服，每道菜都好新鮮，對於我黎講有多樣都有記憶點。師傅都好照顧我地每一位。反而日本師傅個邊小d交流（明白係溝通上既問題）$880 + 10% Lunch 我覺得係高質抵食，一般lunch大部份會係得個半鐘，而呢間鮨店有兩個鐘，可以慢慢享受。原本師傅話如果鍾意邊樣可以最尾再整比我地食，但係實在太飽所以食唔落。唯一一樣覺得可以改善既就係真係太飽，到拖羅蓉卷既時候其實已經開始有d食唔落。利申：本人屬於食量大既女仔前菜：蕃茄配
一坐低咁岩位前面有養蟹仔，問師傅先知原來係養住夜晚會炸黎伴碟。另外擺盤用既碟同底盤好靚，視覺上已經令我覺得更加好味。😊
今次遇到馮師傅，每道菜都解釋得好清楚，唔會講其他多餘野，成餐飯都係圍繞住點樣處理本次既食材。有好多位都好細心，包括上道菜啲汁喺隻碟度都會幫我哋抹好再上下一道。而店員服務態度都好好，好細心。不斷加茶水，收碟都好好禮貌。我地同旁邊兩枱都有交流，我鍾意咁樣既用餐過程，有講有笑，大家都好開心話一定會再黎。
成個用餐過程好舒服，每道菜都好新鮮，對於我黎講有多樣都有記憶點。師傅都好照顧我地每一位。反而日本師傅個邊小d交流（明白係溝通上既問題）
$880 + 10% Lunch 我覺得係高質抵食，一般lunch大部份會係得個半鐘，而呢間鮨店有兩個鐘，可以慢慢享受。原本師傅話如果鍾意邊樣可以最尾再整比我地食，但係實在太飽所以食唔落。唯一一樣覺得可以改善既就係真係太飽，到拖羅蓉卷既時候其實已經開始有d食唔落。利申：本人屬於食量大既女仔
前菜：
蕃茄配芝麻醬 - 正常
慢煮雞肉 - 食得出Sake味，肉算幼嫩，但唔太熱
水草醋 - 原本係出芋頭，不過師傅聽到我話唔食芋頭即刻換過樣比我👍🏻 第一次食水草醋，本人表示喜歡💗💗
炸豆腐 - 正常
茶碗蒸 - 一般，有d偏咸
蝦頭魚湯 - 正常
小鉢 - 裡面既薑同蓮藕都好味💗
刺身：
海螺 - 見住師傅即場拎住新鮮既海螺即切，非常新鮮爽口，配埋wasabi同玫瑰花，食得出花香💗💗💗💗💗
章紅魚 - 新鮮 💗💗
右口魚海膽卷 - 多數食左口魚，原來右口魚同海膽會咁夾💗💗💗💗💗
磯煮鮑魚 - 個汁好好味，同埋呢種鮑魚凍食口感好正好爽，會回味既一道菜（預先煮好再浸一個星期，用十幾種蔬菜汁去浸）💗💗💗💗💗
油浸章魚 - 一向唔太好章魚，但真心個汁整得好味同埋好易咬💗💗💗💗
壽司十三貫：（總括所有食材新鮮）
深海池魚王_熟成5日 - 新鮮
金目鯛 - 食落好肥美💗💗💗💗
活赤貝 - 新鮮
銀雪魚 火炎 - 加左日本辣醬又幾好食wo💗💗💗💗
依左目（柚子磨粉) - 好夾食得出柚子味💗💗💗💗
帶子 - 正常
黑豚肉豚角煮（燘三個鐘放六個鐘）- 個蘿蔔好入味，黑豚肉都唔錯 💗💗💗
野生赤龍 - 第一次食，師傅話比較少有，食落其實有d似腦天既口感但唔同味，有記憶點💗💗💗💗
右口魚群邊 - 食爽口既但有啲硬
中拖羅 - 加鹽既過程好靚，賞心悅目，咸度又唔會over可以接受💗💗💗
大拖羅（熟成15日）- 相比其他大拖羅已經冇乜記憶點
拖羅蓉卷 - 開始已經有d食唔落，已經叫師傅少飯 （呢個可以唔要會更加完美）
海膽 - 好大份量，海膽好味但建議唔落飯，剩海膽加紫莱會好d 💗💗💗
甜品：
玉子燒 - 加魚肉蟹肉去整既玉子燒第一次試，雖然唔係好食得出魚肉蟹肉味，但都好味
配紅豆奶凍 - 好滑，師傅話每次甜品都唔一樣
Btw 已經book左下個月再去食dinner👍🏻
Post
