Bugis@蝦湯面・怡保雞飯 (Closed)

午飯食唻食去都係果幾樣，見到呢間野係樓下派傳單, 可以午市平5元, 就上去試試。叫左個印尼炒飯, 幾足料, 炒飯用新加玻醬油炒, 有蝦米, 馬拉盞, 好惹味! 配料都好足, 有兩串雞肉串燒, 太陽蛋, 蝦片同蝦. 職員話蝦片係自己炸的, 果然香脆， 呢個真係有驚喜. 同埋個雞肉串燒汁甜甜地, 好好食。呢個炒飯絕對係一次過滿足哂幾個願望! 不過食完之後都有啲口渴, 出街食飯難免會有味精, 呢度算係冇咁重手。 同埋馬拉菜一向都重口味!之前食過某幾間嘅印尼炒飯, 真係得個炒飯同幾粒蝦米， 唔會有咁多料。六十幾蚊有咁足料, 又有杯羅漢果茶, 可以清一清熱。唯一唔好係用煲仔上，太熱。 我覺得有啲怪同唔方便食, 而家又唔係食煲仔飯, 咁樣會攪到有飯焦! 如果唔介意食炒飯食到有飯焦既都可以接受。