火舞町 (Closed)

今年我生日，男朋友同我去咗我最愛嘅火舞町到食生日飯！等我介紹吓呢間餐廳有咩吸引到我!香葱大阪燒 呢間餐廳嘅大阪燒超級好食！成件都有好香嘅蛋味🥚。再加左燒肉汁🥩，沙律醬同蔥🌱。令到整個大阪燒嘅味道更加濃郁。～聖子～ 聖子好大隻！而且廚師為咗方便我哋食用！會將煮好嘅聖子切好，再俾我哋食！我覺得呢樣嘢好窩心。絕對值得讚。~醬油漬拖羅海膽三文魚子飯～ 呢個有晒我鍾意食嘅嘢！🫙醬油漬拖羅🐟味道濃郁，但食落口不失鮮味！🐚海膽肥美可口。每一啖都勁滿足。🐟三文魚子有好香嘅魚油味！三樣嘢連埋白飯一齊食。恰到好處！超好食！芝士大阪燒 呢個大阪燒🥘食嘅每一啖，都有好香🧀芝士味，同燒汁嘅味道好襯！鍾意食芝士嘅朋友一定要試哦！總括嚟講，除咗食物好味之外，餐廳嘅裝修好日式，座位亦都好舒服！好適合情侶拍拖食飯！所以我非常鍾意呢間餐廳！一定會推介朋友黎。😍😍😍😍😍😍😍