Mokumoku Yakiton (永光商業大廈)

Open Now

Now Closed

還有一星期就過新年，為咗迎接豬年，我決定同老公到Mokumoku食豚宴迎豬年。Mokumoku位於銅鑼灣永光商業大廈，由銅鑼灣地鐵站B出口一出行前少少就到。店內的環境好像舒服版的日式居酒屋，座位與座位有足夠的空間，全店有很多豬的擺設，氣氛好好，店員也十分有禮貌，有如去了日本的感覺。這裏餐點有好多選擇，以豚肉串燒、刺身為主，配以沙律、一品料理、雞牛羊蔬菜串燒、味噌煮物、食事和甜品。話明居酒屋，當然唔小得飲番兩杯，由於我們酒量尚淺，所以只叫了酒量不高的巨峰味汽酒和乳酸味汽酒，味道清新，飲多幾杯都唔會醉，啱晒我。蒜子蕃茄沙律蕃茄好清甜，配上酸酸咪咪的醋及帶甘甜的生蒜，又清新又開胃。豬肝慕斯平日食鵝肝多士就食得多，就一於試下豬肝慕斯。豬肝不肥膩，豬香味濃配上芝士更顯濃厚，不錯的小食。粒貝刺身粒貝即是螺貝，之前試過粒貝酒煮認真唔錯，今次就一於試下粒貝刺身。螺貝原隻上枱，師傅將螺肉片開一片片，片片厚薄適中，入口幼嫩帶爽脆，好鮮甜，好滋補。味噌煮日本蘿蔔這裏的味噌湯底肴得好香好濃，而蘿蔔是採用日本蘿蔔，入口無根，感覺滑溜，煮得好入味。特大帆立貝特大帆立貝用上清酒燒，燒完之後保留了帆立貝本身的鮮甜味，