Relish

Open Now

Now Closed

平時尖沙咀酒店一般3-course Menu都要$500起跳，但係份量都好細，所以今次去咗觀塘工廈入面嘅高質西餐，嘗試一下又好食，又飽肚的晚餐。入面環境非常spacious, 我們早去，所以有梳化位。首先俾咗兩杯開胃梅子梳打我哋做welcome drink。10分冰涼，甜甜地，很Refreshing。前菜帶子輕輕燒過，保留新鮮彈牙的口感，紅菜頭醬汁很清甜，配合帶子。鵪鶉髀鹹鹹地，很適合同碟上面的沙律一齊吃，鵪鶉髀有炭燒風味，作為前菜， 10分開胃。龍蝦湯10分驚喜，非常之足料，而且仲係熱辣辣，上菜之後才倒落去。飲完龍蝦湯比較濃味之後，竟然有驚喜，就是會有第二輪的解茶，清清味蕾，準備食主菜。黑毛豬案七成熟，非常之嫩滑，很有肉味，很喜歡輕輕烤過的菠蘿，零舍清甜。薯仔墊底，外脆內軟。虎蝦意大利飯一定要叫，芝士味10分濃烈，仲有蟹膏，千祈不要浪費蝦頭，蝦頭一開，有好多橙色的蝦膏，蟹膏同蝦膏配埋一齊，為意大利飯提升另一個層次。最後的焦糖朱古力蛋糕作為晚餐的總結令我們覺得大滿足，上面的朱古力醬稠密，去到餅底還有脆脆，多重口感。