吟

Open Now

Now Closed

元朗有唔少低調但高質嘅餐廳，「吟」就係其中之一，餐廳隔離就係車房、五金舖，估唔到竟然隱藏咗一間咁優秀嘅鐵板燒，今次就揀咗廚師發辦嘅午市二人套餐，有鮑魚、燒魚、虎蝦、鵝肝、美國牛肉或西班牙黑毛豬，淨係望住餐牌就已經流晒口水🤤季節燒魚🐟魚鱗煎得香脆，魚肉卻能保持嫩滑，超好食😋南非鮑魚🐚平時煮鮑魚好多時都唔會要鮑魚肝，但師傅將鮑魚肝煮成醬汁，非常惹味，鮑魚亦夠新鮮彈牙，配搭埋一齊簡直係完美嘅鮑魚盛宴大虎蝦🦐大虎蝦同樣善用食材嘅特點，虎蝦本身好大隻又多蝦膏，用蝦膏煮成醬汁再連埋蝦肉一齊著，蝦味更加突出，將味道昇華🆙焦糖多士🍞師傅喺麵包灑上砂糖，再將烘成焦糖多士，而且仲非常細心將多士切成一條條好似層層疊咁疊起，食落酥脆，甜度剛剛好，有啲似蝴蝶酥，冇諗到連甜品都可以咁有心思❤️食鐵板燒嘅一大享受就係見住師傅喺面前即席炮製，食材新鮮，而且每款嘅烹調方式都係依照食材嘅特色設計，色香味俱全。午餐每人約$500，物有所值，絕對值得嚟元朗試一試！