花木日本料理 (Closed)

襯住520諗住食返餐高級少少嘅日本野，就搵左呢間花木日本料理🥰入到黎見到呢度嘅室內裝飾都幾花心思，有啲好靚嘅櫻花擺設🌸當晚因為我哋驚食唔晒所以就冇叫到二人餐，但係見到餐牌上面散叫嘅食物都有好多選擇，而且自由選擇比較flexible，同埋又可以慳住個budget🙈🙈炸雞軟骨（$58）炸得好香脆可口，配埋適量嘅檸檬汁同埋沙律醬係一個好好嘅配搭築地精選壽司8本（$300）一開始見到佢嘅價錢都有少少卻步，但係諗住一場嚟到都要試吓啲高級嘅壽司，果然質素有驚喜，八款唔同嘅刺身都鮮甜美味，而且仲好新鮮，絕對對得住佢嘅價錢大蝦天婦羅🍤（$108）嘅炸皮好香脆，而大蝦嘅蝦肉都幾彈牙，仲有五隻咁多，如果多啲人share會更好🤪黑松露鰻魚卷（$168）係全日最驚喜嘅一款食物，估唔到會足足有成條鰻魚咁多，絕對係落足料！本身黑松露味已經好濃郁，但係食嘅同時都會感受到鰻魚嘅味道仲有壽司入邊青瓜絲嘅少少清甜味，絕對係必點！另外叫咗兩種串燒，分別係蒜香牛柳串（$78）同埋芝士牛肉燒（$68），雖然只得一串，價錢相對地冇咁抵食，但係都總算試到兩種唔同做法唔同味道嘅牛肉！加埋個分量十足嘅昆布豚肉炒飯（$118），我哋兩個