花木日本料理 (Closed)

政府突然宣布晚市禁堂食即刻約朋友食返餐呢間餐廳以前有朋友介紹過 其實見價錢都唔平 不過今次疫情關係有折經OpenRice 訂位有折 好方便我地兩個人唔係叫左好多 但都夠飽有折折左好抵食👍🏻

非常幸運可以係限聚令開始前試到哩間餐廳每樣食物都非常精緻而且用料新鮮 烹調合宜友人果然揀得好😝.花木套餐有「梅」「竹」兩款「梅」套餐$1288（星期日至三有75折）「竹」套餐$1988（冇折扣）兩款套餐都係8道菜 最大分別係「竹」套餐有A5和牛同埋大拖羅而「梅」套餐嘅就係安格斯牛同埋中拖羅其他菜色都有少少唔同 不過兩個套餐各有特色 都好吸引㗎🙈今次我地試嘅就係「梅」套餐🤤.前菜有四款 由淡味到濃味磯煮鮑魚 入口軟滑 非常彈牙醬汁味唔會好濃 顯出鮑魚嘅鮮味 非常好味🙈芥末漬八爪魚 係我最鍾意嘅前菜八爪魚彈牙 芥末辛辣 味道非常刺激😝醬油漬吞拿魚 吞拿魚係魚乾嘅口感 醬油味濃郁不過比較濃味 同其它菜色交替食用會比較好醬油漬鮑魚肝細細個屋企人就教落 食鮑魚一定要去走內臟今次係第一次食鮑魚肝 估唔到真係食得😂鮑魚肝有好濃嘅海產味鐘唔鍾意就真係見仁見智🙈.沙律係 大蝦無花果羅文菜沙律大蝦非常彈牙 無花果乾香甜 蔬菜爽脆新鮮加埋我最鍾意嘅芝麻醬 真係食到停唔到口🙈.刺身有4款 大拖羅 赤貝 真鯛 北海道海膽杯大拖羅滿布油脂 入口即溶 完全係形容唔到嘅美味 唔洗講咁多 一定要食🙈赤貝爽口 鮮甜 真心

今天恰好在尖沙咀逛街，正好可以一嚐位於天文台道的花木日本料理，早前從網上尋得這間餐廳，看它好評眾多，愛吃日本菜的我當然不可錯過，於是便到此小嚐個午膳。這間餐廳主要做高級的日本料理，入內可見食客座位分普通座位及吧枱座位，裝潢方面以木材為主元素，使用淺色系列作裝修主調，燈光亦使用柔和舒適的黃燈，整體感覺富有日本風味。牛舌岩鹽燒牛舌厚薄適中，只加入岩鹽燒製，以保留肉質原有的鮮味，入口燒製時間恰到好處，口感軟腍爽脆，鮮嫩多汁，肉汁充分鎖於牛舌之中，而且絲毫沒有腥味，配搭青檸汁和蒜蓉醬，味道更清新惹味。銀雪魚西京燒銀雪魚外層燒至色澤金黃，內裡魚肉雪白，入口甘香嫩滑，油脂佈滿口腔，魚味香濃，味道帶淡淡白味噌的醇厚甘甜，且沒有魚骨，沾上蛋黃醬一同進食，口感更濃厚爽口。蘋果梳打蘋果梳打色澤透明清澈，冰塊充足，入口解渴冰爽，氣泡細緻，味道帶有淡淡的果香清甜，感覺清新怡人，夏天喝上一杯最適合不過。整體而言，餐廳舒適寬闊，環境乾淨衛生，裝潢富有日本風味，猶如置身日本之中，食物用料新鮮，製作用心出色，是與朋友吃日本菜的好地方。

尖沙咀好多日本菜但抵食高質嘅唔多呢間花木位置好方便午餐時段個場都幾爆幾多人想食就要預早book位特別方便附近返工嘅OL今次試嘅係午餐魚生好新鮮特選壽司拼盤係師傅發板全部都係我鍾意食嘅壽司🍣仲有海膽😍😍😍熟食亦都好好味份量啱啱好 係午餐嘅首選之前去做緊買一送一優惠唔知而家仲有冇服務員服務質素非常好就算好多客人上菜速度都算快而且呢間餐廳最吸引我嘅係環境坐得好舒服 裝修高級有品味房間景色仲幾好情侶黎都好有情調

薯比生日飯朋友篇，友人專登搵左依間佢同老公週年紀念既餐廳同我慶祝，真係受寵若驚🥰三文魚海草沙律😋😋😋😋一見到海藻就忍唔住叫兩種唔同顏色嘅海藻令到視覺效果豐富之外，口感都有少許唔同加埋火炙過嘅三文魚粒加配埋柚子汁，中和左用既油膩，爽口醒胃又清新特選壽司拼😋😋😋😋😋黎到日本料理店，點都要試下啲魚生，賣相幾好～影相岩晒 味道黎講，舊舊都好新鮮，完全無腥味，調味配搭都精準，始終一分錢一分貨日本貝柱牛油焗野菌😋😋😋😋用爐火暖住上菜，可以保持味道，牛油香味一陣陣，食到尾都係熱辣辣～ 苦瓜炒蛋&腩肉蘆筍串😋😋😋不過不失，做到應有既味道， 只係串燒size 略嫌有點太袖珍...

一連兩天都在同一座大廈吃晚飯。這一晚吃日本菜。第一次來。裝修典型日式風格，中高檔。價錢也一樣中高價。點了三文魚刺身、燒雞翼、燒雞軟骨、天婦羅蝦雜錦。先來刺身。新鮮好味。讚！燒物燒得香，但稍鹹。水準滿意。天婦羅炸漿薄，油不多。有蘿蔔蓉加入天婦羅汁，送飯好味。價錢約400元。合理。有機會要試試做推廣的鹿兒島牛。

花木一直係我最喜愛既餐廳之一！食材新鮮，而且日本原條飛機魚既款式夠哂多！擺盤又夠精緻！好適合打卡～仲可以自己喺壽司吧慢慢揀！唔似有d餐廳推介完就算，連望下條魚既機會都冇！☹️我就曾經試過去到一間居酒屋，侍應當日推介金目鯛，結果切完出尼根本係𩶘魚！！唔知有冇人都試過咁既情況呢？所以其中一個原因中意花木就係因為有得望下d魚！師父又會介紹下條魚既質地同點食法最好味！！而且仲可以坐喺壽司吧頭，欣賞師父既刀功！除左魚類，呢度貝類都有好多！全部食材都好新鮮！！同埋呢度服務態度好好！加茶加得密，上菜又會介紹返，唔係就咁放落枱就算！！

Sashimi🐟🦐Platter六點海鮮拼盤。刺身新鮮，擺盤精美Fresh Sashimi, beautiful presentationAnkimo (Monkfish🐟liver)柚子醋成功平衡濃郁肝味Yuzi Vinegar successfully balanced the strong favor from liverGoma Spinachand Abura Age Salad🥗胡麻汁偏甜Goma Sauce was bit too sweetPork🐖Loin Cutlet鬆脆但肉汁欠奉Crispy but not juicyGrill Beef🐂Tongues過油不夠脆口Too oily, not crispy

叫咗一個二人懷石料理餐，樣係靚，但食就真係。。。好多道菜都勁咸，not value for money! 叫咗同事同廚房講，但講完無feedback! 服務一般。。。唔推介

第一次嚟花木，朋友嚟過，介紹不錯。今日來到有驚喜的感覺。餐廳內環境很不錯，很乾淨，他們現在午餐有買一送一真係好抵。食物質素唔錯😋侍應服務態度好好，安排日本生日甜品很精緻，有機會一定再去光顧😊

呢幢building 之前未嚟過，啲lift 好快，機乎唔使等，同厚福街真係無得比，餐廳係我鍾意嘅高樓底同寬敞嘅坐位，而最重點係背景音樂係我最愛嘅龍貓主題曲。睇menu 以weekday 嚟講單價唔平，不過而家set lunch做緊買一送一所以就唔同講法。點咗個魚生丼，望落已好吸引，由湯開始先，湯除咗有正常嘅豆腐同海帶外，竟然有秋葵，真係無見過，跟住係燉蛋，有雞肉，蟹柳同白果，幾唔錯，魚生丼真係好實在，魚生好多好多，應該佔60% ，而且好都新鮮，當中帶子都有大有細，三文魚都係厚切。另一個點咗天婦羅，雖然無跟沙律，湯……但配個烏冬份量都好多，天婦羅有蝦，南瓜，茄子…個粉都做得好好。每個set 128,加埋1，買一送一每位只需77，可以話物超所值, 喺經濟咁差，煩囂嘅工作環境下食個高質嘅lunch係一種小確幸。

🔎 花木*📍 尖沙咀天文台道8號3樓2號舖.雜錦天婦羅呢個天婦羅盛宴都相當吸引.就算熱氣都要試下啦!隻蝦大到不得了,全部都好厚肉,絕對啖啖都係肉連埋個炸皮食超級香口.仲有唔同菇菌相當豐富.黃菊菠菜油揚沙律第一次係日本餐廳試呢種配搭.酸酸哋超級開胃,而且份量都唔少.超級推介大家試下.香蔥吞拿魚腩蓉薄脆吞拿魚腩好鮮甜,原來連埋薄脆食係咁好味,口感唔錯.呢個都係我必推必點.而且相信暫時應該只有花木呢到有呢個配搭,不妨試下.叉燒拉麵叉燒幾軟腍,麵條都多又入味.叉燒少少肥,整體都OK.湯底都濃郁.#entrytsimshatsui

基本上同朋友食飯想食好小小既日本野都會簡呢間食物質素幾好刺身，燒物都好好食😋池魚刺身 係薄切既，價錢係比較貴晚市有個仼飲清酒，啤酒都有每位先百幾蚊暖清酒味道唔錯加上d 侍應服務態度都好好不停加酒都笑容好好都係值得推介嘅餐廳🍴

周六跟朋友行完山，朋友建意食高級日式料理。不過大家都想找個傾下計地方靜下來，閒聊幾句。又想食完後去酒吧，所以搵咗尖沙咀天文台道附近的花木。到達餐廳都係好早時間，人唔多可能大廈是新開，主打高級野。餐廳裝修唔錯同埋算寬躺。以日式為主可以住入房可以有唔同選擇。餐廳以高質用料為招徠，味道都以食材鮮味為主，侍應哥哥耐心講解同提出建議，好細心，算唔錯，佢提議我哋食個新爽沙律🥗，大根沙律，清而不辣，想不到廚師用了什麼方法整到無晒羅白嘅辛辣味，反而只有清爽味道。再加上香蒜同醋，十分開胃嘅沙律。跟著就係米通配碎吞拿魚。本以為米通會好油，但一點油膩都沒有，只有米香同脆卜卜再配上清新魚蓉加蔥花十分配襯。之後再上個小小嘅熱盤，日本元柱炒野菌。元柱鮮甜，跟野菇好夾。再來刺身拼盤，池魚三文魚油金魚吞拿魚。又新鮮，食得到的鮮味。最後係主菜大蝦天婦羅🍤烏冬。完美結局。都同朋友傾得暢快開懷。

朋友介紹下得知這間位於天文台道的日本料理午餐正在做買一送一優惠。先在網上訂檯，餐廳除了有openrice的訂檯功能，訂檯後也會直接連結到餐廳自己使用的訂檯功能，向訂檯的客人傳電話訊息確認訂檯。來過天文台道8號幾次，都不知道原來低層位置有不同食物選擇。餐廳裝修有心機，環境寬敞，檯與檯之間有一定的距離，還有幾間可把門關上的包廂，私隱度不錯。看看餐牌的價錢都幾貴，不過有買一送一的優惠就不同說法了，我們也點了兩個同等價錢的午餐。蒲燒海鰻($168)，大大條鰻魚鋪在搶眼的蛋絲上面，有對比得來十分吸引。定食配有沙律、麵豉湯和生果，麵豉湯則不夠濃比較稀。鰻魚烤得剛剛好，不會太淋或太焦，肉質軟得來有保持質感，表面的邊還有一點香脆呢。蛋絲的份量都有很多，呈乾身，但就沒有蛋香味。還有就是蛋下面的白飯。白飯質感較糊較黏，要看看你喜唔喜歡這種質感的白飯了，配著有豐富鰻魚汁的海鰻是不錯的。竹壽司定食($168)的樣子十分豐富。五件壽司質素普通，沒有覺得難忘。三件小卷裡面是醃漬物，肯定貪方便快捷預先做好放進雪櫃裡，結果到客人食的時候小卷是冰凍的，不如即製微凍或室溫壽司，紫菜還軟掉有點難咬，失望。出奇地，烏冬的表現