日泰郎放題料理 (Closed)

今晚心血來潮去佐敦食個日、泰式放題，地點絕對唔難搵，佐敦地鐵站裕華國貨出口一出加轉，到街坐角位右轉入去就可以搭電梯上去一入門口就會見到一排排紫色公主凳…好靚呀啲凳飲品區 - 有罐裝飲品、亦有紙包飲品、另外重有冷/熱清酒供應甜品區日式冷盤小食、沙律吧加拿大生蠔 - 呢個生蠔夠爽口，當然無我3月係加拿大自己即開即食咁鮮美，但係都唔差，可惜大少唔係好鍾意食，如果唔係，我一定叫多幾round，因為只要加多$88就可以任叫五頭磯煮鮑魚 - 好入味亦都好夠味，唔韌，而且店家已經一早幫你清晒內臟，一拆出嚟就可以食北海道松葉蟹 - 雖然我下年先去北海道新鮮咁食，今次止住痕先喇，不過可能因為雪得太耐，爭少少鮮味，又或者可能我岩岩食完個蠔，太好味~~刺身 - 都有好多選擇，有三文魚、榮螺、泰式生蝦(但係無泰式辣汁)、赤蝦、鮑魚片、白鳥貝、帶子壽司 - 今次我點咗海膽花之戀、芒果花之戀，都唔錯，細細嚿，唔會食到好飽一口豆腐 - 呢個真係唔錯，炸得香脆天婦羅 - 有蝦、一口蕃薯、南瓜、蟹棒，最好味一定係一口蕃薯雪糕 - 有六款味道，有朱古力、雲尼拿、芝麻、綠茶、荔枝、紅豆