日泰郎放題料理 (Closed)

Hope you all enjoy with buffet. It's a little challenge to order sometimes because they rarely talk in English but they tried hard to understand Thank you for welcoming

秋天來了，代表吃大閘蟹的季節來臨了。一向愛吃蟹的我卻未嘗在家吃大閘蟹，因為媽媽總嫌處理麻煩，所以為了滿足口腹之慾，最方便還是出街搵食。可是出面吃大閘蟹，價錢一定不便宜，想不到這天男友在佐敦發現了大閘蟹放題，$338一位，任食2.5小時，除了大閘蟹，還有中日泰多款菜式，我倆立即改變地點，今晚一於『蟹』逅大閘蟹！飲品選擇頗多，有許多口味的紙包飲品，汽水，果汁，還可以自製珍多冰！最驚喜的是莫過於連梅酒和sake都有，各試了一杯，味道不差啊！刺身款式甚為多元化，共有11款選擇，我們會樣都貪心地要了幾片，餐廳完全沒有漏單。刺身味道新鮮，沒有我最怕的雪味，而且非常慷慨，每樣都十分厚切，口感十足，絕對不是部分放題店般小家。我最喜歡的仍然是三文魚，紋理漂亮，肥美得很。希靈魚亦很爽脆。壽司方面最特別是有不少創意壽司，例如：海膽三色花之戀、帶子鵝肝壽司、火焰和牛壽司，全部都極其吸引！一些普通的壽司亦有，我比較喜歡較特別的蟹肉蟹膏軍艦，頗有驚喜，蟹肉堆得滿滿。海膽蝦壽司的海膽亦不會腥，加上名貴的海膽可見餐廳的誠意。泰式料理方面有冬蔭功。金邊粉，沙爹串燒等，我們只點了泰式生蝦，任點任食真的非常開心，但泰式生蝦

秋風起，開始有啲涼意。返工的阿姐已經開始講緊訂大閘蟹，耳濡目染下，心思思又想食。咁啱約左細佬係佐敦幫我拎野返屋企，經過條街見到大大個易拉架寫住大閘蟹放題，好吸引，決定去食返餐。其實幾年前都食過日泰郞放題一次，食物選擇都幾多，所以見佢放題有大閘蟹食，就又去試下啦。7點半入場，$338一位，可以任食2個鐘。7點幾人未算爆人，但人都唔少。汔水櫃、甜品櫃同埋食物counter算係圍住啲座位咁擺，所以拎野食幾方便。汔水除左10幾種罐裝，仲有自助飲品機，椰汁、酸梅湯等。甜品櫃都有成10種甜品，選擇算好多。食物counter有沙律吧，可自製沙律，亦有啲凍品，例如中華沙律、芝麻八爪魚同蝦。又有熱湯及糖水提供。但我地主力都係食蟹，侍應話蟹至少等20分鐘，所以一坐低就即刻order蟹黎食。但佢每次每人最多order3隻，咁未等到蟹之前都要填下肚先。先黎刺身，點左無幾耐就上枱，甜蝦大大隻，無漏單。食緊刺身，熱盤都上枱，雞軟骨、蒜蓉帶子幾好食，芝士年糕熱辣辣，咸咸地，好煙韌。羊架大大塊，燒得唔算乾。天婦羅我最鍾意個番薯仔，因為好甜，食左成5粒。放題黎講，泰式熟食算好豐富，但我地食到飽飽地，要留肚，所以只點左生

除咗出奇蛋，日泰郎都可以一次過滿足你三個願意，日式佢有，泰式又有，最勁係連大閘蟹都有! 問你服未? 2.5小時任飲任食放題。日式放題當然有刺身啦，三文魚，帶子，甜蝦。仲有M佬最愛嘅螺肉，中華沙律等前菜。泰式生蝦可以算係皇牌之一，不過用冰㡳上會好好多，依家唔夠凍!秋風起，大家仲可以加錢食埋大閘蟹，每人每次可以叫3隻。因為即叫即蒸，大家預落單後30分鐘會嚟。我哋建議大家每人每次叫2隻，否則凍咗唔好食。每隻大閘蟹都有3.5至4兩重，唔係好非常大隻，不過勝在隻隻都有好多膏，一開嗰蟹蓋，啲香味出晒嚟!最後，當然要食埋雪糕先啦

依家放題既種類真係層出不窮😳睇黎常見既日式放題已經唔足以滿足貪新鮮既香港人😼呢間放題除左日式泰式既野食之外，最近仲加埋大閘蟹放題🦀🦀🦀平日夜晚既2.5小時大閘蟹放題($338+10%)，即叫即蒸保證係熱辣辣，如果唔係凍左就會腥架嘛😣蟹既質素都唔錯，雖然冇多到膏，但幾新鮮香甜，唔夠喉咪食多幾隻搭救囉😼平時放題既食物當然都有啦，唔少得刺身同壽司！炸雞軟骨熱辣辣好香口！泰式小食試左炸魚餅、蝦餅同泰式鳳爪，都唔錯喎。仲有自製珍多冰。椰汁西米糕同榴連糯米糍，榴連有驚喜，都幾香。

大閘蟹季節又到，出親去食都係兩至三隻蟹連小菜套餐，總覺得唔夠喉，我同友人係大閘蟹迷，剛好搵到依間本身做開日泰式放題店推出時令任食大閘蟹放題，所以黎左試下外面設有沙律吧、甜品櫃同飲品櫃，全部都係自助形式當然坐低先叫其他野食醫左肚仔先<<魚露燒大蝦>> 以為係基圍蝦，估唔到真係大蝦，蝦肉燒得爽口彈牙<<飛天炒通菜>> 炒得幾入味，真係似足泰國餐館味道，食落幾爽脆<<創意火炙壽司: 醬漬三文魚、和牛、芝士花蝦、鰻魚、芝士三文魚>> 本身都好鍾意食炙燒壽司，依度整得幾好味，全部都整得細細件，可以一口食，叫左兩轉<<紫芯香芋丸>> 熱辣辣，炸得好香脆，香芋餡好滿，好濃既芋味，好好食<<大閘蟹>> 到食主角啦，一次叫左六隻，即叫即蒸，蟹重3.5-4兩，蟹黃金黃色，都幾新鮮，食落好香，沾醋食去重油膩感，任食既話確實幾抵食，我地都叫左兩轉<<榴蓮糯米糍>> 大大粒，內餡滿榴蓮肉，味道好香<<牛柳粒

星期二，朋友請食生日飯，見呢間有大閘蟹放題食，又日式，又泰式，覺得幾得意，所以撿咗呢間。點知食完又痾又吐，最後搞到CALL 白車去A&E，昨日問返D FD，個個都痾到7 彩。以後唔去再去！！！

十月 又係食大閘蟹嘅日子市面上其實都好多食店有大閘蟹食點解今次揀試一試依度因為依度可以一次過食晒日泰放題+大閘蟹放題!簡直滿足晒2個願望先講重點大閘蟹 每隻大概3兩半至4兩Size唔算話好大 但勝在任食夠屈機嘛而且剪開左都幾多膏不過大閘蟹即叫即蒸需時溫提一下 都係一坐低即叫會比較好其他放題食物質素都唔差刺身新鮮夠凍 串燒 天婦羅 都即整熱辣辣上枱尤其中意佢啲泰式野食連生菜包 冬蔭功 沙爹串燒依啲款式都有生蝦都係任叫 真係不得了至於飲品甜品方面 就係自助形式自己拎整體食物質素都算唔錯 選擇亦很多

平時食放題通常得日本菜,但係依到仲有泰菜,選擇都幾多,有我最愛食嘅泰式生蝦, 不過如果用冰㡳上就更好啦。前菜同甜品有自助區,有日式小食好似八爪魚帶子裙邊等等,仲有泰式嘅鳳爪同木瓜沙律等等。 咁啱而家撞正大閘蟹季節,可以加錢升級任食大閘蟹,每隻大閘蟹都有3.5~4兩重, 而且隻隻都有膏,都幾抵食。

呢間放題真心正！系我食過最多花款既放題，食物多得黎質素都幾高！日式野就唔洗講，應該有既都齊，味道都幾好泰式串燒同生蝦真系正到啪啪聲，狂食唔厭！小炒都唔錯，幾有鑊氣5粒星！

食完個放題 真係唔會再有下次 員工態度差 交野食紙比佢地員工10分鐘都無人來收 佢有佢地傾計有佢地玩 就無人理我地客人 魚生難食 魚生重要係熱 唔通真係唔熟唔食？ 未夠鐘就要我地比錢 明明重有個幾鐘 又一早要我地last order 食落一肚火食完之後成班又痾又嘔 一個字 差！

尼間放題 結合 日式料理 泰式料理 打邊爐 為一體 品種非常多 任君選擇 一座低 聞到一陣好奇怪唧空氣清新劑夾雜食物唧腥味 卑人感覺好唔舒服 刺身 唔算太新鮮 壽司 過得去 泰式料理 口味太重 完全蓋過實物唧原味 火鍋 品種都算齊全 可惜實在食而無味 甜品中有兩個 個人覺得還OK 服務員態度 就非常好 而且都算勤力 係網上訂位 寫明可以第二個人半價 結果需要現金買單 可惜我帶唔夠現金 只可以放棄優惠 用原價買單 雖然品種好多 但係食物口味完全唔得 實在可惜

五個人食四個痾 有一個入左院 ， 前菜放左好耐咁 ，地方麻麻， 四年前食過好抵好旺好爆......而家差很多，以後不會再去， 唸起都怕， 又耐又細碟，衛生又麻麻，我今日痾左3次

食完這間餐廳後，決意開ac，寫第一個食評。刺身不新鮮，沒什麼味道，特別是帶子，吃了一盤刺身就沒有再叫的意慾了。刺身差，作為一間放題餐廳來說算是失敗。沙嗲雞肉串燒是不錯。這個價錢十分不值，不會再去。

食得放題，預左質素唔會太好。一入黎就覺得衛生麻麻。地下好污糟，座位疑立立，又冇抽煙機係每個爐上面，好大油煙。漏單情況好嚴重，可能太爆既關係。廁所似公廁，唔太乾淨，所以怕污糟既人最好有心理準備。d野食味道賣相麻麻，肉好多肥膏，冇肉食，所以都冇影相。唯一和牛同粟米比較好食，飲品都算多選擇，又有蒸爐，怕韓燒熱氣可以蒸。雖然有日式放題、韓燒、蒸爐，咁多花臣。但食物選擇唔多，天婦羅蝦好細隻，又唔覺有泰式野食。有d落單紙只可以圈最多4個，唔俾你填多，但又唔見會黎足。d比較貴既食物，例如：花之戀、海膽壽司、鰻魚壽司，落3次單先黎1次，仲要好遲先黎。總括而言，衛生好差，食物質素麻麻。座位太爆，d員工都做到好忙好亂。有優惠都要成二百位，食得果2個鐘，我唔會食第二次