遇見花蓮

Open Now

Now Closed

台式餐廳，久不久都會想食。遇見花蓮真係可以止下台癮。🌟古早花雕雞卷、士林鹽酥雞🌟小食叫咗兩款，雞卷帶有陣陣酒香，香而不濃，肉質結實，雞味十足。台灣特色小吃鹽酥雞，口感酥脆，鹽酥味可口，內裡肉質嫩口多汁，口感十足。🌟照燒雞腿排滷肉飯🌟照燒雞腿大大塊，雞皮燒至勁脆口，連平時怕肥嘅我都忍唔住食哂落肚🤪面層薄脆嘅雞皮上沾上一啲秘製醬汁，甜甜地。滷肉同樣出色，滷肉和再配上珍珠米飯，簡直係完美配搭的組合👍👍🌟藥膳花雕半筋半肉手工麵🌟藥膳花雕半筋牛肉手工麵，招牌牛肉筋肉當然冇得輸，筋肉分明，脂香滿口，筋位滑嘟嘟，甘甜帶點藥膳嘅湯底，蟲草花嘅味道好出，清香藥膳味，係另一種享受😋😋😋🌟鮮鳳梨水果茶、黑糖珍珠奶茶🌟食台灣嘢當然要返兩杯手工飲品，鳳梨水果茶夠晒清甜解渴，黑糖珍珠奶茶亦係帶出台灣嘅傳統風味。