Video
Read full review
2017-08-21
3166 views
民泰街，好熟悉嘅街道，因為屋企人好鍾意食呢度某間泰國菜。某日，等位時就留意到民泰四七，一是西班牙餐廳比較少﹔二是餐廳用上街名門牌命名﹔三是見到下午茶餐牌好抵食，當時問左店員，只要六點前入坐都可以叫下午茶餐。就係衝住呢個優惠而立心嚟試。門面好大︰但只有呢個細細塊牌寫住餐廳名字︰餐廳內裡寬敞，唔會為左多啲客而夾硬擺多啲枱，坐得舒適。如果想坐得再舒服啲，可以選擇卡位:餐具 - 用嘅係Peeress品牌，拎起來感覺用料一流，手柄部份還刻了餐廳名「民泰四七」。下午茶餐 - 供應時間由3點至6點，我哋大約5點9嚟到，仲可以order。下午茶餐有甜品或主食，價錢絕對抵食。下午茶餐已包美式咖啡/茶/汽水，加錢可配特調咖啡或新鮮水果茶。爭取時間，先點兩個下午茶餐︰美國穀飼肉眼牛扒配薯菜餐$88我哋叫左五成，肉眼牛扒都幾大塊，配有微微烤過嘅椰菜同炸薯條。肉質非常鮮嫩，整塊肉眼牛扒有肥有瘦，而且牛肉味濃郁。燒汁微甜，同牛扒好夾。香蒜橄欖油肉丸意粉餐$48意粉較幼但煙靭，食落幾有口感，而且用橄欖油煮，食落香而不膩。肉丸有3粒，如果大粒少少就更perfect~加$12轉配凍新鮮水果茶 - 味道新鮮，好濃橙汁味，
門面好大︰
但只有呢個細細塊牌寫住餐廳名字︰
餐廳內裡寬敞，唔會為左多啲客而夾硬擺多啲枱，坐得舒適。
如果想坐得再舒服啲，可以選擇卡位:
餐具 - 用嘅係Peeress品牌，拎起來感覺用料一流，手柄部份還刻了餐廳名「民泰四七」。
下午茶餐 - 供應時間由3點至6點，我哋大約5點9嚟到，仲可以order。下午茶餐有甜品或主食，價錢絕對抵食。
下午茶餐已包美式咖啡/茶/汽水，加錢可配特調咖啡或新鮮水果茶。
爭取時間，先點兩個下午茶餐︰
美國穀飼肉眼牛扒配薯菜餐$88
我哋叫左五成，肉眼牛扒都幾大塊，配有微微烤過嘅椰菜同炸薯條。
肉質非常鮮嫩，整塊肉眼牛扒有肥有瘦，而且牛肉味濃郁。燒汁微甜，同牛扒好夾。
香蒜橄欖油肉丸意粉餐$48
意粉較幼但煙靭，食落幾有口感，而且用橄欖油煮，食落香而不膩。肉丸有3粒，如果大粒少少就更perfect~
加$12轉配凍新鮮水果茶 - 味道新鮮，好濃橙汁味，因為叫少冰，略為甜左啲，等啲冰溶到咁上下再飲就啱飲啦~
加$10轉配熱Crème brûlée Latte - 店員介紹用左Crème brûlée味糖水調製，但就唔覺有咩Crème brûlée味，而且冇拉到花，係面頭有一層薄薄而脆口嘅焦糖，口感幾得意嘅~
嚟到西班牙餐廳梗係要食西班牙小食(TAPAS)啦!
香蒜牛油炒蘑菇$38 - 蘑菇大約有8粒，而且都算大粒，用香蒜牛油炒得特別香，食落微辣所以非常香口，非常多汁。
仲配有脆卜卜嘅黃蕃薯乾同紫蕃薯乾，幾特別。
芒果檸汁醃吞拿魚$88
吞拿魚係鮮味，芒果鮮甜而檸汁開胃，連埋啲香葉，食落幾種唔同味道混合，好匹配又夠特別。
伴菜係牛油果醬粟米片 - 食嗰陣記得用粟米片兜多啲牛油果醬，食落幾滑。
最後叫多道甜品 - 法國焦糖燉蛋配桂花烏龍功夫茶$58
焦糖燉蛋喺個壺仔入面。
個焦糖燉蛋冇用到雲呢拿籽或雲呢拿香油，改用烏龍茶，食落香甜中帶有啖啖烏龍茶味，幾特別。食完甜品諗住嘆埋杯桂花烏龍功夫茶，只不過杯茶係凍嘅，如果係熱茶就合適啲，Cheers~
以上兩個主菜雖然係下午茶餐但份量比得上午餐/晚餐，質量亦相當唔錯，最重要價錢唔會比茶仔爭得遠，認真抵食。至於TAPAS選擇都唔少，味道配搭多變化，甜品更加係有特色。民泰街又多一間特色，價錢又大眾化嘅餐廳了。
Post
