炎天丼 (Closed)

朋友介紹食，之前喺大埔有間舖話好好味，搬咗舖後繼續支持。平時少去旺角食日本嘢，但食家級嘅朋友推介到，就姑且一試。星期五7點前到，唔洗等位但都多人，開放番限聚令後都算坐得迫，但地方整體嚟講算乾淨。服務好，職員有耐性，落單後上菜快，新鮮及熱騰騰嘅，啲天婦羅整到脆卜卜，雖然個粉漿算厚及較油，唔係酒店日本餐廳嗰種水準，但味道都係好嘅，咁嘅價錢，算係高質素。佢有送湯同埋沙律，個麵豉湯麻麻地，較淡，沙律okay，原本我哋唔想要，因為太多芝麻醬，但店員話可以清吓油膩感，咁佢哋可以學炸豬扒店嗰種，俾菜絲但唔洗落咁多芝麻醬，咁會清油膩。我哋兩個人叫咗好多嘢食，連埋汽水，食咗$300蚊，其實佢哋一個飯已經好飽，所以係好抵食。總括嚟講，以咁嘅價錢，100分嚟評食物嘅話，佢哋有70分，但因佢哋地方算乾淨，服務好，所以都值得去食吓，支持吓。我未食佢哋嘅喬麥麵，有機會可以去試。海膽飯，好味。海鮮飯海鮮天婦羅海蝦牛肉粒