順酸辣粉

Open Now

Now Closed

一向唔太食得辣嘅我唔知點解最近開始鍾意食重慶酸辣粉，嚟到呢間店，好自然又揀咗碗小辣嘅招牌酸辣粉，麵底要紅薯細粉，餸就揀咗魚肉卷同豬面肉。一上枱，見到碗麵咁大碗，先畀一個讚👍。薯粉煮得唔算腍，煙煙韌韌，係我鍾意嘅口感。湯底比想像中少油，配料好豐富，肉燥，榨菜，花生，芽菜，韭菜，芫茜，蔥花，一應俱全，美中不足係芫茜份量非常之少，作為芫茜控嘅我絕對唔夠喉。兩個餸當中，以豬面肉最特別，我未食過，平時都好少見，原來口感爽爽硬硬，有啲似豬耳，幾得意；魚肉卷一條切開兩嚿，份量唔多，但係都好食。叫多支豆漿，應該係自家製作，無糖，不過口感有啲粗糙。