將軍麵館

Open Now

Now Closed

新開既時候試左次就食上引~由於同個商場工作，所以好多間都食過~新開第二天就試，叫左個酸辣米線，加餸點左個腩肉，辣可以揀小，中，大辣~我要左中辣~一打開見到配料有肉碎，酸菜，芽菜，大白菜絲~好大碗~先試左湯底，個味好濃，試下d米線，岩岩好唔會過淋，再食落去有好多芽菜同大白菜係底，非常岩我鍾意多菜既人，腩肉片數都算多，都有7-8片，又大塊~~其實一個餸已經夠飽，如果鍾意多口感可以點多一個餸~但我見堂食仲大碗~下午茶14:30後會送野飲（星期六，日或假期唔送），有各種汽水或黑，白豆漿~我次次都係下午茶叫外賣，（但外賣要自取）叫一個餸包豆漿先$33，真係好掋食~主要係食完唔會口渴~值得一試