大丼屋 (Closed)

話說女朋友知我今晚有比賽，所以就專登同我黎荃灣食晚飯行過荃灣街市，一上扶手電梯就會見到呢間大丼屋架啦女朋友就食蟹道樂蟹丼，碗丼雖然價格唔算平，但係由相到已經睇得出用料十足，包括有蟹腳、蟹籽、蟹膏、海膽、甜蝦，仲有不少蟹肉放左喺飯面，材料食落夠新鮮，所以都算得上係抵嘅，而飯雖然係用左日本米，不過醋嘅份量就重手左少少，令到個飯稍為酸左DD，呢點就有改善嘅空間啦。吉列豬扒咖哩飯就係我嘅，飯量好大，我食完一個都差不多已經飽晒豬扒係厚切嘅，脂肪亦唔多。芝士厚燒玉子味道唔錯，上嘅時候都仲係熱辣辣雜錦天婦羅有4款，每款有2塊，分別係冬菇、茄子、南瓜同蕃薯