Video
Read full review
2019-10-29
284 views
好多年無入過深井食飯，平時去都係釣魚多，今晚媽咪話想食燒鵝，咁我就約媽咪釣完魚之後去食飯。去到深井食飯，腦海只會諗到一間餐廳，深井燒鵝😂😂 無辦法，由細到大都係聽住呢個名，咁多年歷史👍🏻👍🏻媽咪叫埋家姐一齊黎，咁我地3人行就入左去食飯。餐廳好多人食緊飯，但都吾緊要，重有好多位，因為店外重可以坐，加上天氣開始涼涼地，坐外面最好👍🏻小菜真係好多選擇，基本上你講得出都有。我地緊係叫左燒鵝先，一個燒鵝例牌，媽媽想食粟米魚肚羹，重有西蘭花炒斑塊，同埋檸檬蒸烏頭。起初以為燒鵝好細碟，一上菜，原來都好大碟。燒鵝皮吸晒醬汁既味道，而且啖啖肉，配埋酸梅醬，一流，吾怪得深井燒鵝咁出名👍🏻👍🏻 十個讚👍🏻👍🏻粟米魚肚羹都好好味，份量夠4個人食，好大鍋。入面都非常足料，每一啖都食到粟米粒同埋魚肚，出面好難食到咁足料既粟米魚肚羹。😍西蘭花炒斑塊係我最愛，出邊好多餐廳都會用雪藏魚，但魚處理得不好，好容易食出雪藏嘅味道。而今日呢一碟西蘭花斑塊，真係煮得好好，斑塊完全食唔出有雪藏嘅味道，而且仲有魚嘅鮮味👍🏻👍🏻真係好耐冇食過咁好味嘅西蘭花炒斑塊😍真係啖啖肉嫁👍🏻👍🏻最後上菜嘅係檸檬蒸烏頭，新鮮嘅烏頭魚，吸收左檸檬醬嘅
去到深井食飯，腦海只會諗到一間餐廳，深井燒鵝😂😂 無辦法，由細到大都係聽住呢個名，咁多年歷史👍🏻👍🏻
媽咪叫埋家姐一齊黎，咁我地3人行就入左去食飯。餐廳好多人食緊飯，但都吾緊要，重有好多位，因為店外重可以坐，加上天氣開始涼涼地，坐外面最好👍🏻
小菜真係好多選擇，基本上你講得出都有。我地緊係叫左燒鵝先，一個燒鵝例牌，媽媽想食粟米魚肚羹，重有西蘭花炒斑塊，同埋檸檬蒸烏頭。
起初以為燒鵝好細碟，一上菜，原來都好大碟。燒鵝皮吸晒醬汁既味道，而且啖啖肉，配埋酸梅醬，一流，吾怪得深井燒鵝咁出名👍🏻👍🏻 十個讚👍🏻👍🏻
粟米魚肚羹都好好味，份量夠4個人食，好大鍋。入面都非常足料，每一啖都食到粟米粒同埋魚肚，出面好難食到咁足料既粟米魚肚羹。😍
西蘭花炒斑塊係我最愛，出邊好多餐廳都會用雪藏魚，但魚處理得不好，好容易食出雪藏嘅味道。而今日呢一碟西蘭花斑塊，真係煮得好好，斑塊完全食唔出有雪藏嘅味道，而且仲有魚嘅鮮味👍🏻👍🏻真係好耐冇食過咁好味嘅西蘭花炒斑塊😍
真係啖啖肉嫁👍🏻👍🏻
最後上菜嘅係檸檬蒸烏頭，新鮮嘅烏頭魚，吸收左檸檬醬嘅味道，令魚嘅鮮味更加提升。烏頭魚本身比較少骨，基本上夾出嚟嘅都係魚肉，加埋檸檬醬嘅味道，太好味了，連平時小食魚既家姐都覺得好好味。👍🏻👍🏻
食咗咁多野，真係飽到上心口，但大家唔好以為咁餐好貴，基本上佢哋嘅小菜，價錢都非常合理，所以買單時，你會有物超所值嘅感覺。中家都快啲去呢間深井陳記燒鵝到試吓啦。👍🏻
Post
