Video
Read full review
2019-08-23
55 views
而家天氣咁熱，而且近排心情唔係幾好，都無咩胃口食野，聽人講食泰國菜可以開胃一下，我朋友知道我鍾意食泰菜就帶左我黎呢間食，佢係附近街坊都成日黎呢間到食我地叫左小食、沙律同炒飯仲有特飲，先講Combo小食拼盤(細)，入面有炸魚餅、肉丸、春卷同蔗蝦，一人一件，又唔會食到好飽食唔到之後啲野，幾岩兩個人食，仲配左個泰式醬汁比我地點黎食，甜甜地，幾好味，肉丸同炸魚餅啖啖肉，肉質幾彈牙，仲有好重胡椒味，春卷真係真材實料，餡料包到滿滿，入面仲有粉絲，本身無咩味，點醬食更加好味。蔗蝦肉質彈牙，熱辣辣食得出係即炸。岩岩食完炸野，食番個青木瓜沙律清新一下，我去泰國都有食過，呢到食嘅同我係泰國食嘅味道一棣，醬汁酸中帶辣，好開胃，會愈食愈辣，但呢個辣度我都接受到，而青木瓜絲好爽口，加埋有腰果、花生同提子，好豐富。招牌菠蘿炒飯配虎蝦，我見到有好多人叫黎食，我都唔執輸，黎到真係超級巨型，立即相機食先！有兩隻大虎蝦，有炸過，之後可以點配好嘅泰式辣醬，夠哂惹味，蝦肉鮮美彈牙，good! 炒飯入面有雞肉粒、提子乾、蛋絲等等，炒到乾身，粒粒分明，而且勁足料。仲有巨型菠蘿串，大大舊，食完炒飯再食下菠蘿都幾解膩，菠蘿肉好甜又多
我地叫左小食、沙律同炒飯仲有特飲，先講Combo小食拼盤(細)，入面有炸魚餅、肉丸、春卷同蔗蝦，一人一件，又唔會食到好飽食唔到之後啲野，幾岩兩個人食，仲配左個泰式醬汁比我地點黎食，甜甜地，幾好味，肉丸同炸魚餅啖啖肉，肉質幾彈牙，仲有好重胡椒味，春卷真係真材實料，餡料包到滿滿，入面仲有粉絲，本身無咩味，點醬食更加好味。蔗蝦肉質彈牙，熱辣辣食得出係即炸。
岩岩食完炸野，食番個青木瓜沙律清新一下，我去泰國都有食過，呢到食嘅同我係泰國食嘅味道一棣，醬汁酸中帶辣，好開胃，會愈食愈辣，但呢個辣度我都接受到，而青木瓜絲好爽口，加埋有腰果、花生同提子，好豐富。
招牌菠蘿炒飯配虎蝦，我見到有好多人叫黎食，我都唔執輸，黎到真係超級巨型，立即相機食先！
有兩隻大虎蝦，有炸過，之後可以點配好嘅泰式辣醬，夠哂惹味，蝦肉鮮美彈牙，good!
炒飯入面有雞肉粒、提子乾、蛋絲等等，炒到乾身，粒粒分明，而且勁足料。
仲有巨型菠蘿串，大大舊，食完炒飯再食下菠蘿都幾解膩，菠蘿肉好甜又多汁，新鮮菠蘿味道果然唔同啲。
呢到嘅特飲都係超級巨型，朋友點果杯泰國巧克力巨人，可以話係飲品同甜品嘅mix版，朱古力上面有朱古力條、kitkat、oreo，可以一邊食零食一邊飲朱古力，完成左食甜品嘅願望。
我就點左杯夏日芭東海灘(菠椰)，點果時覺得佢好特別，菠蘿加椰子沙冰，呢個配搭好新奇特別，沙冰個質感好綿密，入口即溶，仲有陣陣椰子同菠蘿嘅清香同甜味，夠哂消暑。
夏天食泰國菜更加開心同滿足!
Post
