相馬日式火鍋 (Closed)

任食火鍋對我一班大食朋友嚟講真係好friendly，唔使為咗荷包仔就住食，佢哋餐餐都食到間舖頭執笠咁滯😅 今次同佢哋嚟咗呢間相馬日式火鍋食，佢哋終於老貓燒鬚。黐線㗎❗️除咗火鍋配料之外，炸物串燒都係任食㗎‼️仲未計出邊嘅自助吧 各式各樣嘅飲品、甜品、小食應有盡有。我哋當中最食得嗰個都表示飽到反艇😵我地習慣嗌清湯，之後再自己溝沾沾醬嚟打邊爐，所以我哋對打醬油區都有啲要求，呢度就有齊晒我哋要嘅嘢: 麻醬、海量蔥、辣椒、芝麻…，而且呢度嘅清湯都唔係白開水咁淡，有淡淡的昆布味 食落去冇咁悶🫶🏻 然之後呢度嘅美國牛肩胛 唔會太過肥膩，好淋滑 牛味又香濃，食多幾盤都仲得😎