酒燒弄

Open Now

Now Closed

好耐都無黎過大角咀食飯，相信足足有一年以多。呢個地方可以話旺中又帶靜既旺角後街，特別大全街附近有不同的食肆林立，價錢相當大眾化，價廉物美。昨晚去左一間以串燒為主的鋪頭【酒燒弄】以公雞碗碟為主，好有親切感又貼地。餐牌上有各款串燒，任君選擇亦有串燒套餐A-C•由$298-$368不等，可惜酒牌近日續牌當中，只能喝非酒精飲品。精選1人餐$298呢個價錢有10款串燒可以話中價價錢，燒物燒得恰到好處並沒有過火喉。當中包括有極品牛舌芯、黑豚露筍卷、軟骨雞肉棒、雞翼、汁燒豆腐、冬菇、茄子、翠玉瓜、鱈魚乾、芝士年糕。其中個人喜歡鱈魚乾佐酒小吃必點之物，朋友忍不住也要Encore多次。其次極品牛舌芯及芝士年糕，前者肉質豐盈又有咬口；後者熱辣辣即燒煙韌無比。豬頸肉冷伴蕎麥麵$78上桌都是利用公雞碗碟盛載，蕎麥麵旁邊會有胡麻醬撈上同吃。蕎麥麵內含泡菜、青瓜絲、香脆豬頸肉，呢個配搭原來可以咁夾。清新嘅青瓜絲配上濃郁泡菜，炸彈至香脆嘅豬頸肉，相當惹味又有口感。當中蕎麥麵可以減豬頸肉嘅膩度。飲品方面單點兩款飲品，包括有熱情果及荔枝梳打：可以少甜走甜或是走冰或少冰，呢個配搭追求健康平衡人士。