Video
Read full review
2024-11-21
2075 views
呢間位於大角咀新開嘅洋食商店分店，裝潢走日式復古風格，餐廳入面有好多懷舊招牌、海報，仲有幾部珍藏版波子機，真係好似去咗舊時嘅日本。招牌壽喜燒2人套餐 $548我哋見d二人餐都幾豐富就叫咗個關西風壽喜燒2人套餐，包咗3款肉類、蔬菜拼盤、串燒拼盤、黑松露燉飯，再加兩款自選小食。店員會全程幫手煮個壽喜燒，非常貼心。先講小食，我哋揀咗時令推介嘅味噌芝士鮮蠔鍋(+$70)同燒和牛牛舌(+$30)。鮮蠔鍋個調味做得唔錯，淡淡味噌加上芝士香，又唔會蓋過蠔嘅鮮甜味，鮮蠔食落軟嫩creamy。和牛牛舌口感好爽彈，店員仲俾咗d餐廳自家製嘅墨西哥辣椒辣汁我哋點牛舌食，點少少辣勁已經直撲喉嚨，超過癮。串燒拼盤有海蝦、豬腩肉、孜然雞翼、香菇同秋葵。串燒火侯控制得啱啱好，仲keep到肉汁。主角嘅壽喜燒，肉類方面除咗有頂級美國極黑牛頸脊同鹿兒島茶美豚，重點係有岩手縣和牛。和牛肉質腍嫩入口即融，超正。牛頸脊肉味較濃郁，茶美豚口感爽嫩。食完肉類，店員就會用剩返嘅壽喜燒湯汁煮d蔬菜同整埋個黑松露燉飯。個燉飯吸收晒肉同蔬菜嘅精華，味道鮮甜香濃，再加埋黑松露嘅香味，超滿足。海鹽忌廉法式焦糖布甸 $48食飽我哋仲叫咗個焦糖布甸
招牌壽喜燒2人套餐 $548
我哋見d二人餐都幾豐富就叫咗個關西風壽喜燒2人套餐，包咗3款肉類、蔬菜拼盤、串燒拼盤、黑松露燉飯，再加兩款自選小食。店員會全程幫手煮個壽喜燒，非常貼心。
先講小食，我哋揀咗時令推介嘅味噌芝士鮮蠔鍋(+$70)同燒和牛牛舌(+$30)。鮮蠔鍋個調味做得唔錯，淡淡味噌加上芝士香，又唔會蓋過蠔嘅鮮甜味，鮮蠔食落軟嫩creamy。
和牛牛舌口感好爽彈，店員仲俾咗d餐廳自家製嘅墨西哥辣椒辣汁我哋點牛舌食，點少少辣勁已經直撲喉嚨，超過癮。
串燒拼盤有海蝦、豬腩肉、孜然雞翼、香菇同秋葵。串燒火侯控制得啱啱好，仲keep到肉汁。
主角嘅壽喜燒，肉類方面除咗有頂級美國極黑牛頸脊同鹿兒島茶美豚，重點係有岩手縣和牛。和牛肉質腍嫩入口即融，超正。
牛頸脊肉味較濃郁，茶美豚口感爽嫩。
食完肉類，店員就會用剩返嘅壽喜燒湯汁煮d蔬菜同整埋個黑松露燉飯。個燉飯吸收晒肉同蔬菜嘅精華，味道鮮甜香濃，再加埋黑松露嘅香味，超滿足。
海鹽忌廉法式焦糖布甸 $48
食飽我哋仲叫咗個焦糖布甸做甜品，鹹香嘅海鹽焦糖醬汁同q彈嘅布甸簡直係絕配。
西瓜有氣果酒/菠蘿氣泡酒 (原價$98@)
見做緊買一送一優惠，我哋一人叫咗杯果酒，用咗新鮮水果果肉去調製，果味香濃得嚟飲落又帶d酒香。
。
。
洋食商店 (利奧坊·曉岸) (大角咀)
大角咀利得街11號利奧坊·曉岸地下G504號舖
。
。
Post
