蔥仔越南包

Open Now

Now Closed

呢間小店雖然門面細細，座位都係得幾個，但係你一行入間舖頭，就會聞到一大陣香味。本人本身對越南法包冇咩興趣，但見到咁多人推介真係唔試唔得。我揀咗A餐半個法包配兩種配菜，先講個法包，個包面焗得好，我本身都好鍾意法包偏硬呢種麵包，然後裏面個餡真係冇得彈。醃料調味調得好好，醃蘿蔔嘅酸味，配肝醬同蛋黃醬，同埋少少辣椒，（我走咗芫荽），講出嚟好似好普通但係食落去同聞上去嗰陣香味真係超水準。個包夾住扎肉同埋烤肉，食完好滿足。加左配菜令到成件事好健康，調味就用咗麻油，都幾惹味。