Video
Read full review
2022-11-29
46 views
IG Follow @foodie.mama_hk仲有環境同埋食物影片睇添😍大角咀利奧坊有一大堆餐廳，今日同老公去咗嗰度搵食。行過見到門面唔錯，11月先新開嘅餐廳，所以決定試試佢👍🏻🌕蘭王蛋韃靼牛肉 $168生牛肉色澤及味道都非常新鮮，好似話係呢間餐廳嘅招牌菜之一，加埋蘭王蛋真係超級match，嗰種夾上嚟嘅濃稠度令人食指大增😂🦴Cobalt避風塘炸雞軟骨 $88呢個絕對係送酒小食，出邊好多雞軟骨都冇乜肉，佢有之餘仲要炸得好好食😋Crossover避風塘，真係爭杯啤酒🍻🐔澳洲士著烤雞 $188侍應不停推介呢個雞嘅雞胸滑過雞脾😂見佢講得咁神奇，所以order咗，堅係滑！食落調味同出邊嘅好唔同，問咗廚師，原來係心機餸。用12個鐘浸鹽水，令肉質鬆軟，然後再用8個鐘醃肉。廚師仲話用咗紹興酒醃肉添！竟然連Secret receipt都同我哋講🤣🐷加拿大保濕豬胺配薯蓉 $268個名搞笑但堅保濕😂肉質一啲都唔柴。配菜有蕃茄蓉，偏甜，但好襯個豬胺一齊食。薯蓉有落黑松露，好紮實嘅質感，我以為係落咗麵粉，但係廚師話係真材實料，只係冇落得咁多cream，因為佢唔鍾意太削嘅質感，好食，推介👍🏻(Btw侍應話Ri
仲有環境同埋食物影片睇添😍
大角咀利奧坊有一大堆餐廳，今日同老公去咗嗰度搵食。行過見到門面唔錯，11月先新開嘅餐廳，所以決定試試佢👍🏻
🌕蘭王蛋韃靼牛肉 $168
生牛肉色澤及味道都非常新鮮，好似話係呢間餐廳嘅招牌菜之一，加埋蘭王蛋真係超級match，嗰種夾上嚟嘅濃稠度令人食指大增😂
🦴Cobalt避風塘炸雞軟骨 $88
呢個絕對係送酒小食，出邊好多雞軟骨都冇乜肉，佢有之餘仲要炸得好好食😋Crossover避風塘，真係爭杯啤酒🍻
🐔澳洲士著烤雞 $188侍應不停推介呢個雞嘅雞胸滑過雞脾😂見佢講得咁神奇，所以order咗，堅係滑！食落調味同出邊嘅好唔同，問咗廚師，原來係心機餸。用12個鐘浸鹽水，令肉質鬆軟，然後再用8個鐘醃肉。廚師仲話用咗紹興酒醃肉添！竟然連Secret receipt都同我哋講🤣
🐷加拿大保濕豬胺配薯蓉 $268
個名搞笑但堅保濕😂肉質一啲都唔柴。配菜有蕃茄蓉，偏甜，但好襯個豬胺一齊食。薯蓉有落黑松露，好紮實嘅質感，我以為係落咗麵粉，但係廚師話係真材實料，只係冇落得咁多cream，因為佢唔鍾意太削嘅質感，好食，推介👍🏻(Btw侍應話Ribs最抵食，半份$118已經好大份)
🍎蘋果金堡撻配意大利雪糕 $68
意大利雪糕可以選擇開心果、伯爵茶或者椰子味，呢啲都係偏淡味嘅雪糕，比較夾甜到din嘅Apple Crumble! 凍嘅雪糕配熱辣辣嘅Apple Crumble Tart真係Perfect Match!!!
🍷「呢道酒牆就係我哋嘅Drink Menu😏」
呢間餐廳無Wine Menu，但成道牆都放滿晒不同類型嘅紅酒、Sake、白酒！支支都已經標明價錢，真係值得同朋友夜晚嚟食飯，摸下酒杯底🍸我仲見到佢有一間VIP房添😍
人均$450
總括嚟講，小店，有驚喜，好食，廚師認真設計菜式，侍應搞笑Friendly，認真介紹，餐廳有香港人的流行歌做bg🤣值得番兜👍🏻
Post
