酒燒弄

Open Now

Now Closed

最近食咗呢間又有酒飲又有半地道半日式嘅串燒店「酒燒弄」。店𥚃面嘅環境唔大，但裝潢都好得意，除咗有超有本地特式嘅「渠王式印字」塗鴉（ 我本人幾鍾意呢個諗法，幾正） 連牆上面嘅傳單都係突登整的，有酒燒弄名嘅傳單，真係幾得意﹗C餐揀得C 餐最大嘅原因，就係因為抗拒唔到串燒「白鱔」嘅誘惑，冇其他原因﹗唐揚雞軟骨大大粒新鮮炸起，熱辣辣咬落超爽脆，而且跟埋檸檬片畀你解油脂感，食多幾粒都唔覺漏﹗作為餐前小食好頂癮汁燒豆腐 外脆內軟，調味恰道好處，最快上嘅小食，食肉串之前食都幾好黑豚蘆荀卷黑豚薄片油脂感唔會太重，配埋蘆荀口感豐富﹗黑豚五花腩超級邪惡，肉質爽口彈牙～極品牛舌心牛舌心都係幾乎每次串燒都必叫，呢到厚薄同調味整體都不錯白鱔我最期待的一款串燒，「白鱔」，當你有期待，但冇失望～～～滿意﹗魚皮外皮香脆，調味拿捏得好，唔會蓋過咗魚味，鱔味魚油好出，肉質鮮嫩多汁﹗超正，如果唔係窮都會想食返 20幾串哈哈哈翠玉瓜、茄子芝士年糕最後有一款芝士年糕，整好出嚟紫菜都keep到係脆﹗評：整體不錯環境、食物都不錯嘅串燒店，想再回頭﹗