Simply (Closed)

約左家姐去奧運站行街，行街先一定要填飽果肚，就去了美食林立的大角咀。行下行下見到有間新餐廳，以淺木色做主調，有簡單明亮的感覺。 我地就簡簡單單揀左兩款lunch set，每款套餐都包含是日餐湯或沙律，同埋冷熱飲品。如果是日餐湯唔岩飲，仲可以加 $28 轉做蟹肉龍蝦湯。👍🏻👍🏻 沙律係蔬菜沙律🥗，蔬菜新鮮爽口，配埋日或麻醬，非常健康！而湯就加錢升級做蟹肉龍蝦湯🦀🦞，質地偏濃稠，每啖都有超多蟹肉，味道濃郁惹味。（建議加錢升級，一試難忘😋😋） 🥩安格斯封門柳丼飯丼飯份量都幾大，安格斯牛肉本身牛味濃郁，而且揀左封門柳尼個部位，肉質十分鬆軟‼️一定要配埋香濃的蛋汁，拌用黎飯更加香滑 🔆全日早餐唔洗過百就食到份量十足的All Day Breakfast，我最愛的牛角包🥐香脆鬆軟，牛油果🥑質地幼滑偏腍，好易入口。 🍰蛋糕我地仲嗌左紐約芝士蛋糕同Tiramisu，精緻的擺盤岩晒打卡的我📸😍。Cheese Cake口感豐富厚實，而Tiramisu入口Creamy，仲有淡淡的咖啡香☕️。