Video
Read full review
2024-01-17
699 views
大角咀越嚟越多性價比高嘅隱世小店，今次發現呢一間隱世日式小店，性價比幾高，我就係俾間餐廳嘅慢煮牛丼吸引咗入去!!平日晏奏都等位等咗15分鐘，始終店面唔大又多人排隊。憑印象記得大約擺到6張2人枱咁上下同埋兩個望街嘅吧枱位。用餐時間無限時，所有丼飯套餐都包埋湯、前菜，另外加$13就可以轉自家制薏米水或黑豆水!牛丼size分為小盛、並盛、大盛，肉量隨size 增加，但飯量不變。而我就叫咗個((期間限定))薩摩牛，為咗食多啲肉肉我就叫咗”大盛”！沙律唔錯幾開胃，昆布湯熱上，味道還可。啲飯嘅飯量都幾多吓，多到我食唔曬！碗內有粟米仔、翠肉瓜、日本蛋黃同乳酪醬。我未試過蛋黃溝乳酪醬咁食，不過原來係絕配，食落有層次感，撈勻食好好味！肉質好軟腍，食落去一啲都唔膩，大滿足！個人覺得呢個價錢嚟講都幾抵食，大家想試嘅話記得早啲去排隊！
薩摩牛（大盛）
11 views
0 likes
0 comments
大角咀越嚟越多性價比高嘅隱世小店，今次發現呢一間隱世日式小店，性價比幾高，我就係俾間餐廳嘅慢煮牛丼吸引咗入去!!
平日晏奏都等位等咗15分鐘，始終店面唔大又多人排隊。憑印象記得大約擺到6張2人枱咁上下同埋兩個望街嘅吧枱位。
用餐時間無限時，所有丼飯套餐都包埋湯、前菜，另外加$13就可以轉自家制薏米水或黑豆水!
牛丼size分為小盛、並盛、大盛，肉量隨size 增加，但飯量不變。而我就叫咗個((期間限定))薩摩牛，為咗食多啲肉肉我就叫咗”大盛”！
沙律唔錯幾開胃，昆布湯熱上，味道還可。啲飯嘅飯量都幾多吓，多到我食唔曬！碗內有粟米仔、翠肉瓜、日本蛋黃同乳酪醬。我未試過蛋黃溝乳酪醬咁食，不過原來係絕配，食落有層次感，撈勻食好好味！肉質好軟腍，食落去一啲都唔膩，大滿足！
個人覺得呢個價錢嚟講都幾抵食，大家想試嘅話記得早啲去排隊！
Post
