尚發小廚 雞煲．烤魚

Open Now

Now Closed

呢間舖大約開咗業半年，有次偶然一班人入去食小菜，嗌咗霸王雞、土魷肉餅、中式牛柳粒等等嘅食物。大部份都係水準中上，而且價錢相宜。之後再食佢嘅雞煲，可以揀辣同埋唔辣。我哋就揀咗唔辣嘅食，個雞煲味道好惹味。其他嗌嘅牛肉、響鈴、墨魚滑，到非常新鮮同埋好味。幫襯多幾次之後，老闆娘勁好咁樣請我哋食嘢。個人又傾得又講得笑，服務真係一流。地理位置其實係佢哋嘅弱點，不過其實都只係喺愛文生隔離嗰條街。如果揸車嚟嘅人可以考慮下泊喺詩歌舞街附近。係果附近，除咗愛文生之外，其實尚發都係一個好嘅選擇。