喜記蟹將軍 (iSQUARE國際廣場) (Moved) New Location

想食大閘蟹，唔想自己整，又唔想食任食趕頭趕命。所以上網搵食評，之前見過話蟹將軍喜記好食，所以選擇喜記4位$1288 的套餐。因為他話蟹要等20 分鐘，所以我哋叫上其他餸先食，可能估計錯誤，蟹和餸一齊嚟，因為4 人枱，當蟹和餸放在一起就好逼了。蟹是可以的，套餐已經寫清楚size, 公母每人一隻，喜歡食公所以加了2 隻。套餐的翅像素翅，蒸雞有雪味，魚的黑松露味食唔出，冇咩味。炒飯我覺得可以，但同行的小朋友不喜歡雪菜，可能唔落雪菜再炒乾身D個飯更好食。甜品的蕃薯糖水有驚喜，夠薑，好食。埋單連茶芥，花生，加一 $1684/4。唔係貴但我相信散叫應該會更好食。