囍宴

Open Now

Now Closed

今日一家四口去左食大閘蟹宴，飽到要托住個肚走😂仲要食淨好多野，要打包走，留返聽晚再食。頭盤有乳豬件同叉燒各兩件，乳豬真係次次食都咁脆，肥瘦適中，保持到水準。叉燒好厚，不過厚得黎係勁(淋)，真係估佢唔到。竹笙露筍味道不錯，冬菇鮑魚都幾大隻，糯米飯整得好好食。元貝蒸得熱辣辣，又大隻，蒸既時間岩岩好，唔會老。瑤柱蟹肉羹同蟹粉小籠包本人覺得偏咸，要改善一下。大閘蟹係全晚主角，每人兩公一乸，勁多膏，配埋花雕，值頭無得頂。可惜眼闊肚窄，要打包幾隻回家明晚食臨走前仲有細細粒，滑嘟嘟既湯丸，勁滿足。