東小館 (東匯坊)

Open Now

Now Closed

雖然好唔得閑食嘢，朋友大讚東小館大閘蟹，所以真係唔食唔得。去到東小館，伙記服務至上，揾咗個靚位比我，立即叫個大閘蟹二人餐，首先到嘅係蟹粉小籠包，小籠包熱辣辣皮薄蟹粉肉靚 。主角出場係两隻蟹公，外觀已靚，食落蟹肉够晒份量，而蟹后更係有好多靚膏，可以講好正，確實係上等貨。食完蟹，最貼心就係伙記立即送上薑茶，服務冇得頂。随後嘅小菜可以講精美，菠萝咕噜肉皮脆肉嫩，可算最近幾年所食嘅第一好。蟹粉蝦球嘅蟹膏嫩滑加上蝦球爽脆，真係無可挑剔，加上上湯時蔬，幫助一吓消化，最後嘅薑茶湯圓，真係完全满足。整體呢個餐就十分抵食，朋友大讚完全冇錯，最後一句，好正值得一讚。